អ្នករចនាឥណ្ឌាសានីល អូគូស្ទីន បង្កើតនិមិត្តសញ្ញានៃ "បូជនីយេសក៍ឆ្ពោះទៅនៃ​ក្ដី​សង្ឃឹម"

បូជនីយេសក៍ឆ្ពោះទៅក្ដីសង្ឃឹមដ៏អស្ចារ្យ (Great Pilgrimage of Hope - GPH) ដែលជាការជួបជុំដ៏សំខាន់ទូទាំងទ្វីបអាស៊ីរបស់សភាលោកអភិបាលអាស៊ី (FABC) នឹងប្រព្រឹត្តទៅនៅក្រុងប៉េណាំង ប្រទេសម៉ាឡេស៊ី ចាប់ពីថ្ងៃទី ២៧ ដល់ថ្ងៃទី ៣០ ខែវិច្ឆិកា។ គណៈប្រតិភូ រាប់ពាន់នាក់ លោកអភិបាល បូជាចារ្ អង្គការសាសនា ថ្នាក់ដឹកនាំគ្រហស្ថ យុវជន និងតំណាងមកពីទូទាំងទ្វីបអាស៊ី នឹងមកជួបជុំគ្នាដើម្បីបង្ហាញជំនឿ, ឆ្លុះបញ្ចាំងពីបេសកកម្ម, និងរិះរកវិធីផ្តល់នូវក្តីសង្ឃឹមដល់គ្រីស្តបរិស័ទក្នុងតំបន់នេះ។
​
អត្តសញ្ញាណមើលឃើញដ៏សំខាន់សម្រាប់ព្រឹត្តិការណ៍ប្រវត្តិសាស្ត្រនេះគឺជានិមិត្តសញ្ញា GPH ដែលទើបនឹងបង្កើតថ្មី ជារូបភាពដែលចាប់យកស្មារតី វប្បធម៌ និងបេសកកម្មរបស់ព្រះសហគមន៍កាតូលិកអាស៊ី។ និមិត្តសញ្ញានេះត្រូវបានរចនាដោយនាយកផ្នែកសិល្បៈឥណ្ឌាដ៏ល្បីល្បាញ ដែលបង្ហាញនូវប្រធានបទនៃក្តីសង្ឃឹម ការរួបរួម ការធ្វើជាសាក្សីនៃព្រះគម្ពីរដំណឹងល្អ និងសហគមន៍ ដែលជាបេះដូងពិតប្រាកដនៃ បូជនីយេសក៍ឆ្ពោះទៅក្ដីសង្ឃឹមដ៏អស្ចារ្យ។


​សិល្បៈនៃក្តីសង្ឃឹម — អត្ថន័យ និងទស្សនវិស័យនៃនិមិត្តសញ្ញា GPH
​
នៅពេលបូជនីយេសក៍រាប់ពាន់នាក់ប្រមូលផ្តុំគ្នានៅក្រុងប៉េណាំងក្នុងខែវិច្ឆិកានេះសម្រាប់បូជនីយេសក៍ឆ្ពោះទៅក្ដីសង្ឃឹមដ៏អស្ចារ្យ និមិត្តសញ្ញាមួយនឹងអមដំណើរពួកគេគ្រប់ទីកន្លែង នៅលើបដា អាវយឺត ផ្លាកសញ្ញា និងនៅទូទាំងវេទិកាឌីជីថល។ នោះគឺជានិមិត្តសញ្ញា GPH ដ៏រស់រវើក និងសហសម័យ ជាការរចនាដែលបានក្លាយជានិមិត្តរូបនៃឯកភាពសម្រាប់ព្រះសហគមន៍កាតូលិកនៅទ្វីបអាស៊ី។
​
នៅពីក្រោយអត្តសញ្ញាណមើលឃើញដ៏គួរឱ្យចាប់អារម្មណ៍នេះគឺ សានីល អូគូស្ទីន ជានាយកផ្នែកសិល្បៈច្នៃប្រឌិតជនជាតិឥណ្ឌាដែលមានមូលដ្ឋាននៅ គេរ៉ាឡា (Kerala) ដែលអាជីពរចនារបស់គាត់បានលាតសន្ធឹងជាងពីរទសវត្សរ៍ នៅលើទីផ្សារ និងការទំនាក់ទំនង។ ជាស្ថាបនិក-នាយកនៃ Popkon Creatives និងជាសកម្មជនគ្រហស្ថនៅក្នុងព្រះសហគមន៍កាតូលិករបស់គាត់ សានីល បាននាំមកនូវភាពល្អឥតខ្ចោះនៃវិជ្ជាជីវៈ ភាពរស់រវើកខាងវប្បធម៌ និងការប្តេជ្ញាចិត្តខាងជំនឿដែលជាគុណសម្បត្តិ បានបង្កើតអោយមាននិមិត្តសញ្ញា GPH។


ទស្សនវិស័យដែលចាក់ឫសនៅក្នុងសេចក្តីសង្ខេប៖ សាមញ្ញ គួរចងចាំ អាស៊ី
​
នៅពេលដែល Sanil បានទទួលសេចក្តីសង្ខេបនៃការរចនាដំបូងពីអ្នករៀបចំ ការរំពឹងទុកគឺច្បាស់លាស់៖
• ​"គួរចងចាំ… សាមញ្ញ… មានលក្ខណៈសោភ័ណភាពគួរឱ្យចាប់អារម្មណ៍… សហសម័យ… មានរសជាតិអាស៊ី។"
• ​"ក្តីសង្ឃឹម & ការរួបរួម… នៅក្នុងបរិបទនៃការធ្វើដំណើររួមគ្នានៅអាស៊ី។"
​
សេចក្តីថ្លែងការណ៍ទាំងនេះបានក្លាយជាឆ្អឹងខ្នងនៃការរុករកប្រកបដោយការច្នៃប្រឌិតរបស់គាត់។ ឧបសគ្គគឺការបកប្រែការពិតដ៏ធំទូលាយ និងចម្រុះនៃព្រះសហគមន៍កាតូលិកអាស៊ី វប្បធម៌ ពណ៌ ស្មារតី និងការតស៊ូរបស់ខ្លួន ឱ្យរមើលឃើញតាមបែបទំនើបនិងចារូបតំណាង។
​ចម្លើយរបស់ សានីល គឺជានិមិត្តសញ្ញាដែលមិនអាចច្រឡំបានថាជាជនជាតិអាស៊ី សហសម័យជាសាកល និងលើកស្ទួយស្មារតី។