អ្នកនេសាទ​ម្នាក់បាត់​ខ្លួន​ក្នុង​សមុទ្រ​រយៈពេល ៩៥ ថ្ងៃ​រៀបរាប់​ពី​ការ​សង្គ្រោះ​ដោយ​អព្ភូតហេតុ

បុរសជនជាតិប៉េរូម្នាក់ មានឈ្មោះថា ម៉ាស៊ីមូ ណាប៉ា កាស្ត្រូ (Máximo Napa Castro) ដែលត្រូវគេស្គាល់ថា ហ្គាតុង គឺជាអ្នកនេសាទម្នាក់តែអាចរស់ជីវិតរសាត់អណ្តែតនៅលើសមុទ្រដល់ទៅ​៩៥ ថ្ងៃ ។​

ទីភ្នាក់ងារព័ត៌មានកាតូលិក បានអះអាងថា គាត់ជាប់គាំងនៅសមុទ្រតាំងពីឆ្នេនៃប្រទេសប៉េរូ រហូតដល់កន្លែងគេសង្រ្គោះនៅឆ្នេរសមុទ្រអេក្វាឌ័រ ។​

លោកបានអះអាងថា នៅពេលបាត់ខ្លួនទើបលោកដឹងថា ព្រះជាម្ចាស់សំខាន់ប៉ុណ្ណា ។

លោកបានបញ្ជាក់ "ខ្ញុំចង់ឱ្យមនុស្សគ្រប់គ្នាដឹងថាព្រះគឺ អស្ចារ្យ។ ព្រះជាម្ចាស់គឺស្រស់ស្អាត ហើយទ្រង់ចង់ឱ្យយើងទាំងអស់គ្នាអធិស្ឋានដើម្បីឱ្យមានសេចក្តីស្រឡាញ់នៅក្នុងចិត្តរបស់យើងដើម្បីជួយគ្នាទៅវិញទៅមក" ។

លោកបានចែករំលែកថា រឿងនេះវាកើតកាលពី ថ្ងៃទី ៧ ខែធ្នូឆ្នាំ ២០២៤ ពេលដែលគាត់បានចេញដំណើរទៅកាន់សមុទ្ររហូតដល់ទៅ ថ្ងៃទី ១៧ ក៏ប្រុងត្រឡប់មកវិញ ប៉ុន្តែទូកបែជាខូច​ហើយក៏រសាត់អណ្តែតនៅលើសមុទ្រដល់ជាង២ ខែ​។

នៅពេលដែលអាហារបម្រុងក៏អស់ទឹកក៏អស់ វាគឺជាពេលវេលាដ៏លំបាក ប៉ុន្តែលោកនៅតែបន្តអធិដ្ឋាន ហើយជីវិតក៏បានបន្តរសាត់នៅលើសមុទ្រដល់ទៅ​៩៥ ថ្ងៃ ។

លោកបានបន្តថា លោកអាចរស់បានដោយសារតែជំនឿនិងការអធិដ្ឋាន​និង ទឹកភ្លៀង ហើយពេលខ្លះនៅពេលដែលត្រីខូចអស់លោកអធិដ្ឋានក៏អាចចាប់បានត្រី ទុកបន្តហូប ដើម្បីចិញ្ចឹមជីវិត៕