កងកម្លាំងយោធាអ៊ីស្រាអែលបាននិងកំពុងធ្វើការវាយប្រហារយ៉ាងទូលំទូលាយនៅទូទាំងប្រទេសលីបង់បង្ករឲ្យមនុស្សរាប់រយនាក់ត្រូវភៀសខ្លួន ។
កងកម្លាំងការពារអ៊ីស្រាអែលនិយាយថាពួកគេបានវាយប្រហារលើគោលដៅរបស់ក្រុមហេសបូឡាជាង១០០។ ក្រសួងសុខាភិបាលលីបង់និយាយថា មនុស្ស២៣នាក់ឥឡូវត្រូវបានគេដឹងថាត្រូវបានសម្លាប់បន្ទាប់ពីការវាយប្រហារតាមអាកាសនៅទូទាំងទីតាំងផ្សេងៗ។
នៅព្រឹកថ្ងៃពុធ អ៊ីស្រាអែលបានស្ទាក់ចាប់កាំជ្រួចមីស៊ីល ក្រុមហេសបូឡា ដែលបានបាញ់ឆ្ពោះទៅទីក្រុង តេលអាវីវ ដែលជាទីក្រុងធំបំផុតរបស់អ៊ីស្រាអែល។
ក្រុមហេសបូឡា បាននិយាយថា គោលដៅរបស់ខ្លួនគឺជាទីស្នាក់ការកណ្តាលរបស់ទីភ្នាក់ងារស៊ើបការណ៍សម្ងាត់របស់អ៊ីស្រាអែល ក្នុងការសងសឹកចំពោះការវាយប្រហារថ្មីៗនេះលើក្រុមនេះ។
យោធាអ៊ីស្រាអែលបាននិយាយថា ការវាយប្រហាររបស់ហេសបូឡាមិនមានការខូចខាតឬរងរបួសទេ។
ជាការឆ្លើយតបនឹងការវាយប្រហារនៅទីក្រុង តេលអាវីវ អ៊ីស្រាអែលបានធ្វើការវាយប្រហារបន្ថែមទៀតលើប្រទេសលីបង់។ កន្លែងដែលមនុស្សរាប់ពាន់នាក់កំពុងបន្តដំណើរឆ្ពោះទៅភាគខាងជើង ដើម្បីគេចពីការវាយប្រហាររបស់អ៊ីស្រាអែលនៅភាគខាងត្បូង។
ទន្ទឹមនឹងនេះ ជនជាតិអង់គ្លេសនៅលីបង់ត្រូវបានណែនាំឱ្យ "ចាកចេញជាបន្ទាន់" ហើយកងទ័ពអង់គ្លេសកំពុងធ្វើដំណើរទៅកាន់កោះស៊ីប ដើម្បីដោះស្រាយជាមួយនឹងការជម្លៀសដែលអាចកើតមាន។
ប្រទេសផ្សេងទៀត រួមទាំងសហរដ្ឋអាមេរិក កាណាដា បារាំង និងជប៉ុន ក៏កំពុងជំរុញពលរដ្ឋរបស់ពួកគេឱ្យចាកចេញផងដែរ។
Daily Program
