អ៊ីស្រាអែលដោះលែងស្រ្តីប៉ាឡេស្ទីនវ័យក្មេងពីររូប

អាជ្ញាធរអ៊ីស្រាអែល​បាន​ដោះលែង​ស្ត្រី​ប៉ាឡេស្ទីន​វ័យ​ក្មេង​ពីរ​នាក់​ដែល​ត្រូវ​ឃុំ​ខ្លួន​អស់ ​រយៈពេល ៨ ខែ ហើយការដោះលែងនេះត្រូវបានស្វាគមន៍ ដោយ​ឯកអគ្គរដ្ឋទូត​ប៉ាឡេស្ទីន​ប្រចាំ​នៅបុរីវ៉ាទីកង់។

លៀន ណាស័រ (Lian Nasser ) ជាស្រ្តីគ្រីស្តសាសនិកជនជាតិប៉ាឡេស្ទីនវ័យក្មេងម្នាក់ដែលជាប់ឃុំឃាំងក្នុងប្រទេសអ៊ីស្រាអែលត្រូវបានដោះលែងនៅថ្ងៃទី៥ ខែធ្នូ រួមជាមួយនារីវ័យក្មេងម្នាក់ទៀតឈ្មោះ លៀន ខាអ៊ីត (Lian Kaid )។

ដំណឹងនៃការដោះលែងស្រ្តីវ័យក្មេងទាំងពីរត្រូវបានវ៉ាទីកង់ញូវរាយការណ៍ថា បានកើតឡើងបន្ទាប់ពីពួកគេបានជាប់ពន្ធនាគាររយៈពេល៨ខែ ។

ឯកអគ្គរដ្ឋទូតប៉ាឡេស្ទីនប្រចាំនៅបុរីវ៉ាទីកង់ គី លោក អ៊ីសា កាស៊ីស៊ីយ៉េស (Issa Kassissieh) បាន​  សម្តែងការត្រេកអរដោយបញ្ជាក់ថា ៖​ «ខ្ញុំចង់អរគុណអ្នកគ្រប់គ្នាដែលបានធ្វើការលើករណីនេះ និងបានរួមចំណែកដល់ការរំដោះស្ត្រីវ័យក្មេងទាំងពីរ»។

ក្នុង​ពេល​សម្ភាសន៍នៅក្នុងសារព័ត៌មានមួយ ស្រ្តីម្នាក់ជាគ្រិស្តបរិស័ទនៅក្នុងចំណោមស្រ្តីទាំងពីរ​បាន​លាតត្រដាង​ថា នាង​បាន​សរសេរ​លិខិតមួយច្បាប់ទៅ​កាន់ សម្តេចប៉ាប ដើម្បី​ស្វែង​រក​ការ​គាំទ្រ និង​អធិដ្ឋានក្នុង​ពេល​ដ៏​លំបាក​នេះ។

ស្រ្តីវ័យក្មេងរូបនេះបានរាយការណ៍ថា នាងមិនដែលត្រូវបានអនុញ្ញាតឱ្យទៅសួរសុខទុក្ខកូនស្រីរបស់នាងទេ ក្នុងរយៈពេលជាច្រើនខែនៃការឃុំឃាំង ។ នៅក្នុងអំឡុងពេលជាប់ឃុំ សូម្បីតែព្រះសហគមន៍កាតូលិកនៅទីក្រុងរដែលនាងឃុំឃាំងចង់សួរសុខទុក្ខ ក៏ត្រូវបានបដិសេធមិនឲ្យចូលដែរ។

នៅថ្ងៃដែលនាងត្រូវបានដោះលែង នៅមានប្រជាជនប៉ាឡេស្ទីនប្រហែល ១0 000 នាក់ផ្សេងទៀតនៅតែស្ថិតក្នុងស្ថានភាពដដែល ហើយជោគវាសនារបស់់ពួកគេក៏មិនត្រូវបានដឹងដែរ៕