អំពើហិង្សានៅមីយ៉ាន់ម៉ា កំពុងតែជះឥទ្ធិពលដល់ជំនឿគ្រីស្តបរិស័ទនៅរដ្ឋស៊ីន

មជ្ឈមណ្ឌល​សម្រាប់​ភាព​ធន់​នឹង​ព័ត៌មាន​ដែលមាន​មូលដ្ឋាន​នៅ​ចក្រភព​អង់គ្លេស​បាន​ចេញ​ផ្សា​យ​របាយការណ៍​មួយ​ដែល​បង្ហាញ​ពី​ឥទ្ធិពល​នៃ​ជម្លោះ​នៅ​មីយ៉ាន់ម៉ាមក​លើបញ្ហាជំនឿនៅ ​រ​ដ្ឋ ស៊ីន ដែលប្រជាពលរដ្ឋភាគច្រើននៅរដ្ឋនេះគឺជាគ្រីស្តបរិស័ទ។

ជម្លោះដែលកំពុងបន្តរវាងរបបយោធា និងកងកម្លាំងតស៊ូក្នុងប្រទេសមីយ៉ាន់ម៉ា បានជះឥទ្ធិពលយ៉ាងខ្លាំងដល់គ្រិស្តបរិស័ទ និងទីកន្លែងសក្ការៈរបស់ពួកគេនៅក្នុងរដ្ឋដែលភាគច្រើនជាគ្រីស្តសាសនារបស់ប្រទេសនេះ។

ប្រភពដដែលបានបន្តថា ចាប់តាំងពីរដ្ឋប្រហារយោធាទម្លាក់លោកស្រី អ៊ុងសាន ស៊ូជី កាលពីថ្ងៃទី ២ ខែកុម្ភៈ ឆ្នាំ ២០២១មក ការវាយប្រហារតាមអាកាសបានកើតឡើងជាញឹកញាប់នៅទូទាំងប្រទេសមកលើ សាលារៀន ភូមិ ទីសក្ការៈបូជា និងសូម្បីតែមន្ទីរពេទ្យ។

របាយការណ៍បានលើកឡើងថា មកដល់ពេលនេះនៅរដ្ឋស៊ីននេះគឺមានទីសក្ការៈបូជា យ៉ាងហោចណាស់ ១០០ កន្លែងដែលត្រូវបានបំផ្លាញ ក្រៅពីនៅនៅមានមណ្ឌលអប់រំជំនឿ ​និង កន្លែ​ងសំខាន់ៗខាងជំនឿជាច្រើនទៀតក៏ត្រូវបានបំផ្លាញផងដែរ៕