អតីតលោកអភិបាលព្រះសហគមន៍ឡុងស៊ិននៅប្រទេសវៀតណាមទទួលមរណភាព

លោក យ៉ូសែប ត្រាន់ ហ្សួន ធីវ (Joseph Trần Xuân Tiếu)អតីតអភិបាលនៃព្រះសហគមន៍នៃភូមិភាគ ឡុងស៊ិន (Long Xuyên) ទទួល​មរណភាព​ក្នុង​ជន្មាយុ ៧៩ ឆ្នាំ។

លោកអភិបាលបានទទួលមរណភាពកាលពីថ្ងៃទី ៧ ខែកក្កដា​ឆ្នាំ២០២៥ ក្រោយពេលដែលបានបួសបម្រើព្រះសហគមន៍នៅវៀតណាមចំនួន​៥០​ឆ្នាំ និងជាអភិបាលនៃព្រះសហគមន៍នោះអស់រយៈពេល​២៥​ឆ្នាំ។​

លោកអភិបាល កើតនៅថ្ងៃទី ២០ ខែសីហា ឆ្នាំ ១៩៤៥ នៅស្រុក​ឡុកហាវ( Lộc Hòa ) នៃទីក្រុងណាំឌិញ (Nam Dinh )។ លោកចូល​ក្នុង​សាលា​បណ្ដុះបណ្ដាល​ជានិស្សិតទេវវិទ្យាល័យតាំងពីអាយុ​១២ ឆ្នាំ​នៅមូលដ្ឋាន ហើយបានមកបន្តនៅទីក្រុងហូជីមិញ។

លោកបានបញ្ចប់ការសិក្សាផ្នែកទស្សន​វិទ្យា​នៅឆ្នាំ១៩៦៥ ហើយបានបន្តការសិក្សានៅលើមុខវិជ្ជាទេវវិទ្យានៅទីក្រុងរ៉ុម​។​

លោកទទួល​អគ្គសញ្ញា​តែងតាំង​ជា​បូជាចារ្យនៅខែសីហា ឆ្នាំ១៩៧៤​ និង បានបម្រើកិច្ចការនៅ​ព្រះសហគមន៍ជាច្រើន រហូតដល់ត្រូវបានតែងតាំងជាអភិបាលនៅថ្ងៃទី ២ ខែ​តុលា ឆ្នាំ ២០០៣​រហូតដល់លោកបានលាលែងនៅថ្ងៃទី ២៣ ខែកុម្ភៈ ឆ្នាំ២០១៩៕