របាយការណ៍ថ្មីរបស់អង្គការសហប្រជាជាតិ បានអះអាងថា ហ្គាហ្សា ស៊ូដង់ខាងត្បូង ម៉ាលី និងហៃទី គឺជាតំបន់ដែលកំពុងតែប្រឈមមុខនឹងបញ្ហាអសន្តិសុខស្បៀងធ្ងន់ធ្ងរបំផុត ។
តាមការសិក្សាថ្មីមួយដែលធ្វើឡើងដោយអង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) និងកម្មវិធីស្បៀងអាហារពិភពលោក (WFP) បានឲ្យដឹងថា វិបត្តិស្បៀងត្រូវបានគេរំពឹងថានឹងកាន់តែអាក្រក់នៅប៉ុន្មានខែខាងមុខនេះក្នុងតំបន់ទាំងនោះ ។
ប្រភពដដែលបានបន្តថា ហ្គាហ្សា ស៊ូដង់ខាងត្បូង ម៉ាលី និងហៃទី ជាតំបន់ដែលមានហានិភ័យលើបញ្ហា អសន្តិសុខស្បៀងដ៏ខ្លាំងក្លាបំផុត ។
ប្រភពដដែលបានបន្តថា អំពើហិង្សា និងជម្លោះដែលបានរៀបចំនៅតែជាកត្តាជំរុញចម្បងនៃភាពអត់ឃ្លានយ៉ាងធ្ងន់ធ្ងរ ជាមួយនឹងនិន្នាការសំខាន់ៗដែលបង្ហាញថាកម្រិតនៃជម្លោះ និងអំពើហិង្សាលើជនស៊ីវិល ។
របាយការណ៍បានបន្ថែមថា លក្ខខណ្ឌអាកាសធាតុធ្ងន់ធ្ងរខ្លាំងដូចជាព្យុះត្រូពិច ទឹកជំនន់ និងគ្រោះរាំងស្ងួតនៅតែជាកត្តាសំខាន់នៅក្នុងតំបន់មួយចំនួន។
លោក ឃ្យូ ដុងយូ ( QU Dongyu)អគ្គនាយកអង្គការស្បៀងអាហារ និងកសិកម្មរបស់អង្គការសហប្រជាជាតិបានសរសេរក្នុងសេចក្តីប្រកាសព័ត៌មានដែលប្រកាសថា «ការរំពឹងទុកដ៏គួរឲ្យព្រួយបារម្ភដែលបានគូសបញ្ជាក់ក្នុងរបាយការណ៍នេះគួរតែជាការដាស់តឿនដល់យើងទាំងអស់គ្នា»។
លោកបានបន្តទៀតថា ៖ «យើងត្រូវតែដឹកនាំការផ្លាស់ប្តូរពីការឆ្លើយតបទៅនឹងវិបត្តិ បន្ទាប់ពីវាកើតឡើងចំពោះវិធីសាស្រ្តប្រមើលមើលដ៏សកម្មបន្ថែមទៀត»។
លោកបានបន្តថា ៖ «ការទប់ស្កាត់ និងការកសាងភាពធន់ ដើម្បីជួយសហគមន៍ដែលងាយរងគ្រោះទប់ទល់នឹងគ្រោះមហន្តរាយនាពេលខាងមុខ។ ការធ្វើសកម្មភាពមុនវិបត្តិអាចជួយសង្គ្រោះជីវិតមនុស្ស»។
លោកស្រី ស៊ីនឌី ម៉ាកខេន (Cindy McCain) នាយកប្រតិបត្តិ កម្មវិធីស្បៀងអាហារពិភពលោក បានបន្ថែមថា ៖ «នៅពេលដែលគ្រោះទុរ្ភិក្សត្រូវបានប្រកាស វាយឺតពេលហើយ មនុស្សជាច្រើននឹងស្រេកឃ្លានស្លាប់រួចហើយ យើងត្រូវតែធ្វើសកម្មភាពឥឡូវនេះ ដើម្បីបញ្ឈប់ចំណុចក្តៅទាំងនេះពីការបញ្ឆេះភ្លើងនៃភាពអត់ឃ្លាន»៕
Daily Program
