អង្គការសហប្រជាជាតិ៖ ស្ត្រីចំនួន ៥ម៉ឺន នាក់ត្រូវបានសម្លាប់ក្នុងរយៈពេលមួយឆ្នាំ

នៅក្នុងទិវាអន្តរជាតិលុបបំបាត់អំពើហិង្សាលើស្ត្រី តួលេខថ្មីរបស់អង្គការសហប្រជាជាតិបានបង្ហាញពីទំហំនៃអំពើហិង្សាដែលផ្អែកលើយេនឌ័រ គឺនៅតែបញ្ហាចំបង ។ នេះបើតាមការចុះផ្សាយដោយវ៉ាទីកង់ញូវ។

នៅទូទាំងពិភពលោក អង្គការសហប្រជាជាតិប៉ាន់ប្រមាណថា ស្ត្រីចំនួន ៨៤០ លាននាក់ពោលគឺ ជិតមួយភាគបីបានជួបប្រទះអំពើហិង្សាលើរាងកាយ ឬផ្លូវភេទដោយដៃគូ អំពើហិង្សាផ្លូវភេទដោយអ្នកមិនមែនជាដៃគូ ឬទាំងពីរ យ៉ាងហោចណាស់ម្តងក្នុងជីវិតរបស់ពួកគេ។

ជាមួយគ្នានោះរបាយការណ៍ថ្មីមួយរបស់អង្គការសហប្រជាជាតិបានបង្ហាញពីការពិតដ៏សោកសៅបំផុតមួយ ពោលគឺ រៀងរាល់១០នាទីម្តង ស្ត្រីម្នាក់ត្រូវបានសម្លាប់នៅកន្លែងណាមួយក្នុងពិភពលោក។

ក្នុងរយៈពេលមួយឆ្នាំកន្លងមកនេះ ស្ត្រីប្រហែល ៥០.០០០ នាក់គឺជាជនរងគ្រោះនៃការសម្លាប់ ដោយ ៦០ ភាគរយនៃពួកគេត្រូវបានសម្លាប់ដោយដៃគូ ឬសាច់ញាតិ។

ប្រភពដដែលបានឲ្យដឹងថា ជាមធ្យម ស្ត្រីចំនួន ១៣៧ នាក់ត្រូវបានសម្លាប់ជារៀងរាល់ថ្ងៃ។ក្រៅពីនោះអង្គការសហប្រជាជាតិក៏កត់សម្គាល់ថា ការអភិវឌ្ឍបច្ចេកវិទ្យាក៏បានរួមចំណែកដល់ទម្រង់ថ្មីនៃអំពើហិង្សាផងដែរ។

ទាំងនេះរួមមានការចែករំលែករូបភាព និងព័ត៌មានដោយគ្មានការព្រមព្រៀងគ្នា ការលួចចម្លង និងវីដេអូក្លែងក្លាយដែលបង្កើតឡើងដោយប្រើបញ្ញាសិប្បនិម្មិត។ ការយាយីដោយស្វ័យប្រវត្តិ និងយុទ្ធនាការស្អប់ខ្ពើមដែលសម្របសម្រួលផ្តោតលើស្ត្រីគ្រប់វ័យ។

ស្ត្រីជាង ៣៨ ភាគរយត្រូវបានប៉ាន់ប្រមាណថាបានជួបប្រទះអំពើហិង្សាតាមអ៊ីនធឺណិត ខណៈពេលដែល ៨៥ ភាគរយបានឃើញការរំលោភបំពាន ស្ត្រីដទៃទៀតនៅលើវេទិកាឌីជីថល៕