ការប្រយុទ្ធគ្នារវាងអ៊ីស្រាអែល និងក្រុមហេសបូឡា កាន់តែតានតឹងឡើង ដោយគ្រាប់រ៉ុក្កែត និងយន្តហោះគ្មានមនុស្សបើក ត្រូវបានបាញ់ចេញពីភាគីទាំងពីរ។
ស្ថានភាពនៃសង្រ្គាមនៅលីបង់ និងអ៊ីស្រាអែលឥឡូវត្រូវបានគេពណ៌នាថាធ្ងន់ធ្ងរណាស់ ខណៈដែលសម្លេងប្រកាសអាសន្នបានលាន់រំពងជាបន្តបន្ទាប់ ។
អង្គការសហប្រជាជាតិបានព្រមានថាតំបន់នេះគឺ កំពុងតែនៅលើគែមនៃគ្រោះមហន្តរាយដែលជិតមកដល់ ខណៈដែលការភ័យខ្លាចនៃសង្រ្គាមដែលកើតឡើងទាំងអស់បានកំពុងតែធ្វើឲ្យពលរដ្ឋជ្រួលច្របល់។
របាយការណ៍ពីទីក្រុងហ្សេរុយសាឡឹម បង្ហាញថា ក្រុមហេសបូឡាហ៍បានបាញ់រ៉ុក្កែតជាង ១៥០ គ្រាប់ចូលទៅក្នុងអ៊ីស្រាអែល ជាការសងសឹកចំពោះការវាយប្រហារនាពេលថ្មីៗនេះ បានបង្ករការខូចខាតផ្ទះសម្បែង និងរបួស ប៉ុន្តែព័ត៌មានលម្អិតនៅតែបង្ហាញជារូបភាព។ របាយការណ៍មួយដែលផ្សាយតាមទូរទស្សន៍អ៊ីស្រាអែលបាននិយាយថា គ្រាប់រ៉ុក្កែតបានធ្លាក់ក្នុងទីក្រុង ហៃហ្វា ( Haifa )ជាទីក្រុងមួយនៅភាគខាងជើងអ៊ីស្រាអែល។
មន្ទីរពេទ្យមួយក្នុងទីក្រុងត្រូវបានគេរាយការណ៍ថាកំពុងផ្លាស់ប្តូរអ្នកជំងឺទៅកាន់ចំណតរថយន្តក្រោមដី។ ជាងនេះទៅទៀត អ៊ីស្រាអែលបានបញ្ជាឱ្យបិទសាលារៀនទាំងអស់នៅភាគខាងជើងរបស់ប្រទេសនេះ រហូតដល់ល្ងាចថ្ងៃចន្ទ។
ឆ្លើយតបនឹងការវាយប្រហារនេះ អ៊ីស្រាអែលបានធ្វើការវាយប្រហារតាមអាកាសទៅលើគោលដៅនានានៅភាគខាងត្បូងប្រទេសលីបង់ ហើយបានអះអាងថា ខ្លួនបានបំផ្លាញគ្រាប់រ៉ុក្កែតរាប់ពាន់គ្រាប់របស់ក្រុមហេសបូឡា។
Daily Program
