ខាស្តែល ហ្គានដូហ្វូ (Castel Gandolfo) ដែលមានទីតាំងនៅជិតទីក្រុងរ៉ូម ពោលគឺមានចម្ងាយត្រឹម២៥គម ប៉ុណ្ណោះត្រូវបានរៀបចំជានិវេសនដ្ឋានសម្រាក រដូវក្តៅរបស់សម្តេចប៉ាបតាំងពីពាក់កណ្តាលទសវត្សរ៍នៃឆ្នាំ១៦០០មក។
វ៉ាទីកង់ញូវបានរាយការណ៍ថា សម្តេចប៉ាបអឺបេន ទី៨ (Urban VIII) បានក្លាយជាសម្តេចប៉ាបដំបូងដែលបានយាងទៅស្នាក់នៅទីនោះមុនគេ ហើយមកដល់ពេលនេះ សម្តេចប៉ាបឡេអូទី១៤ គឺកំពុងតែក្លាយជាសម្តេចប៉ាបចុងក្រោយនៅក្នុងបញ្ជីដែលចូលមកកាន់ទីនេះ។
សម្តេចប៉ាបឡេអូបានស្នាក់នៅទីនេះ ចាប់ពីថ្ងៃទី ៦ ដល់ថ្ងៃទី ២០ ខែកក្កដា ហើយម្តងទៀតចាប់ពីថ្ងៃទី ១៥ ដល់ថ្ងៃទី ១៧ ខែសីហា។
ទីនោះមានទីបុរាណដ្ឋានមួយដែលគេហៅថា វីឡារ៉ូម៉ាំងបុរាណ ដែលសាងសង់ដោយអធិរាជរ៉ូម៉ាំងបុរាណ នៅឆ្នាំ៨១ ដល់ ៩៦ នៃគ្រឹស្ករាជ។
ក្រោយការរៀបចំជានិវេសនដ្ឋានមក សម្តេចប៉ាបជាជាច្រើនអង្គបានស្នាក់នៅទីនេះ ហើយក្រោយមក ក៏បានទុកចោលរាប់សិបឆ្នាំ ពោលពីឆ្នាំ១៨៧០ ដល់ ឆ្នាំ១៩២៩ក៏មានការរៀបចំទីនោះជាថ្មី។
គួររំលឹកថា សម្តេចប៉ាបបេណេឌិកទី១៦ ក៏ទ្រង់ធ្លាប់ស្នាក់នៅទីនោះមួយរយៈដែរក្រោយពេលដែល ទ្រង់លាលែងពីការទទួលខុសត្រូវកិច្ចការព្រះសហគមន៍កាតូលិកមកនោះ។
នៅពេលដែលព្រះសហគមន៍ក្រោមការដឹកនាំដោយសម្តេចប៉ាបហ្រ្វង់ស៊ីស្កូ ទ្រង់បានទៅទីនោះ៣ដង ដោយលោកទី១ទៅសួរសុខទុក្ខសម្តេចប៉ាបបេណេឌិក បន្ទាប់មក គឺសម្ភោធសួនច្បារ ហើយបន្ទាប់មក គឺមកគឺមានសារៈមន្ទីរ។
នៅក្នុងសម័យសង្រ្គាមលោកទី២ទីនោះជាកន្លែងទទួលជនភៀសខ្លួនប្រមាណជា ១ម៉ឺន២ពាន់នាក់ ហើយអ្វីដែលគួរឲ្យកត់សំគាល់គឺថា គ្រែដែលសម្តេចប៉ាបសម្រាកគឺជាកន្លែងផ្តល់កំណើតទារក៤០ នាក់ ដោយអ្នកកើតដំបូងគឺជាកូនភ្លោះ៕
Daily Program
