ស្ថាប័នឥណទានគ្រិស្ទសាសនាមួយរៀបចំព្រឹត្តិការណ៍ទិវានារីអន្តរជាតិ

ក្រុមហ៊ុន Christian Cooperative Credit Union Ltd. ដែលត្រូវបានគេស្គាល់យ៉ាងទូលំទូលាយថាជា Dhaka Credit ដែលជាសហករណ៍ហិរញ្ញវត្ថុធំជាងគេបំផុតមួយរបស់ប្រទេសបង់ក្លាដែស បានប្រារព្ធទិវានារីអន្តរជាតិ នៅព្រះសហគមន៍ Tejgaon ក្នុងសង្កាត់ Farmgate ដែលជាសង្កាត់ពាណិជ្ជកម្មមួយរបស់ទីក្រុង ដាកា។

ស្ត្រីរាប់សិបនាក់បានចូលរួមក្នុងកម្មវិធីនេះ ដែលផ្តោតលើសេចក្តីថ្លៃថ្នូរ សិទ្ធិ និងការចូលរួមក្នុងជីវិតសង្គម និងសេដ្ឋកិច្ចរបស់ស្ត្រី។

ប្រធានបទប្រចាំឆ្នាំនៃកម្មវិធីនេះគឺ "សកម្មភាពថ្ងៃនេះ យុត្តិធម៌ថ្ងៃស្អែក៖ ការពារសិទ្ធិស្ត្រី និងក្មេងស្រី" ដើម្បីលើកកំពស់ការយល់ដឹងអំពីស្រ្តី។

លោកស្រី ស៊ីកា ហ្គេមេស (Shikha Gomes ) នាយិកានៃមហាវិទ្យាល័យ Holy Cross ដែលជាស្ថាប័នស្ត្រីកាតូលិកឈានមុខគេមួយនៅទីក្រុងដាកា បានអំពាវនាវឱ្យមានការទទួលស្គាល់កាន់តែច្រើនអំពីការចូលរួមចំណែករបស់ស្ត្រី និងបានជំរុញឱ្យស្ថាប័ន និងសហគមន៍បង្កើតឱកាសដែលអនុញ្ញាតឱ្យស្ត្រីចូលរួមយ៉ាងពេញលេញនៅក្នុងសង្គម។

លោកស្រីបាននិយាយថា «នៅពេលដែលស្ត្រីទទួលបានឱកាស និងការគោរព ពួកគេឆ្លើយតបដោយចិត្តសប្បុរសគួរឱ្យកត់សម្គាល់»។

លោកស្រីបាននិយាយ ដោយបន្ថែមថា សេចក្តីថ្លៃថ្នូរ ការទទួលស្គាល់ និងការគាំទ្រអាចឱ្យស្ត្រីអភិវឌ្ឍសមត្ថភាពរបស់ពួកគេ និងចូលរួមចំណែកកាន់តែមានប្រសិទ្ធភាពដល់សង្គម៕