សម្តេចប៉ាប ហ្វ្រង់ស៊ីស្កូបាន អធិដ្ឋាននិងបន្តអំពាវនាវសុំសន្តិភាពនិងជំនួយ សម្រាប់អ្នកដែលរងទុក្ខក្នុងប្រទេសដែលកំពុងតែផ្ទុះសង្រ្គាម និងលើកតម្កើងសិទ្ធិអ្នកទោសក្នុងពន្ធនាគារ។
ថ្លែងទៅកាន់គ្រិស្តបរិស័ទនៅទីលានសន្តសិលា សម្តេចប៉ាប បានរំលឹកឡើងវិញនូវការអំពាវនាវរបស់ទ្រង់ដោយមិនចេះនឿយហត់សម្រាប់ការអធិស្ឋានសម្រាប់សន្តិភាព។
សម្តេចប៉ាបបានមានបន្ទូលថា " បងប្អូនប្រុសស្រី ចូរយើងបន្តអធិស្ឋានសុំសន្តិភាព ពីព្រោះអំពើជាអកុសល និង ភាពតានតឹងគឺខ្ពស់ណាស់នៅសមរភូមិសង្រ្គាម"។
សម្តេចប៉ាបបានមានបន្ទូលទៀតថា យើងទាំងអស់គ្នាសូមកុំបំភ្លេចពលរដ្ឋរងគ្រោះនៅ អ៊ុយក្រែន ប៉ាឡេស្ទីន អ៊ីស្រាអែល មីយ៉ាន់ម៉ា និងប្រទេសជាច្រើនដែលកំពុងមានសង្រ្គាម។
សម្តេចប៉ាបបានអំពាវនាវថា " សូមឲ្យសំឡេងប្រជាជនដែលសុំសន្តិភាពបានឮដល់អ្នកធ្វើការសម្រេចចិត្ត" ។
ជាមួយគ្នានោះសម្តេចប៉ាបលោកបានមានបន្ទូលថា យើងត្រូវតែធ្វើការដើម្បីឲ្យអ្នកទោសត្រូវបានប្រព្រឹត្តដោយសេចក្តីថ្លៃថ្នូរ ព្រោះអ្នករាល់គ្នាអាចធ្វើខុស៖ ការជាប់ពន្ធនាគារគឺដើម្បីរស់ឡើងវិញនូវជីវិតទៀងត្រង់នៅពេលក្រោយ”។
Daily Program
