សម្តេច​ប៉ាប៖ អំពើហិង្សា ការនិទេសដោយបង្ខំ និង ការសងសឹកគឺមិនមែនជាមូលដ្ឋានមនុស្សជាតិឡើយ

សម្តេចប៉ាបឡេអូទី១៤បានមានបន្ទូលកាលពីដើមសប្តាហ៍កន្លងទៅនេះថា អំពើ​ហិង្សា ការ​បង្ខំ​ឲ្យ​និរទេស​ខ្លួន និង​ការ​សងសឹក គឺមិនមែនជាមូលដ្ឋានរបស់មនុស្សជាតិនាពេលអនាគតឡើយ ហើយទ្រង់បានបង្ហាញពីស្មារតីគាំទ្រ សាមគ្គីភាពជាមួយប្រជាជននៅតំបន់ហ្គាសា។​

សម្តេចប៉ាបឡេអូបានមានបន្ទូលថា ​មនុស្ស​ត្រូវ​ការ​សន្តិភាព​ ដោយ​បន្ថែម​ថា ​អ្នក​ដែល​ស្រឡាញ់​ពួកគេ​ពិត​ជា​ធ្វើការ​ដើម្បី​សន្តិភាព​​។

សម្តេចប៉ាបឡេអូក៏បានបង្ហាញនូវការអរគុណចំពោះអស់អ្នកដែលផ្តល់គំនិត​ផ្តួចផ្តើមឲ្យ​មាន​សន្តិភាព ខណៈដែល មានសេចក្តីរាយការណ៍ថា មានជនជាតិប៉ាឡេស្ទីនយ៉ាងហោចណាស់ ៦០ រូបត្រូវបានសម្លាប់ កាលពីថ្ងៃសៅរ៍មុននៅហ្គាសា ចំពេលមានការវាយលុករបស់អ៊ីស្រាអែល។

នៅពេលនេះ កងកម្លាំងអ៊ីស្រាអែលបាននឹងកំពុងបំផ្លាញអគារខ្ពស់ៗនៅក្នុងទីក្រុង ហ្គាសា ហើយកំពុងធ្វើការរុះរើ អគារក្រោមដី និងហេដ្ឋារចនាសម្ព័ន្ធ​ដែលជាប់គាំងនៅក្នុងការវាយលុក​ចុង​ក្រោយ​របស់ពួកគេដែលបានចាប់ផ្តើមកាលពីសប្តាហ៍មុន៕