សម្តេច​ប៉ាបអធិដ្ឋានជូន​ដល់​ជនរងគ្រោះ​ដោយសារ​រញ្ជួយ​ដី​នៅ​អាស៊ីអាគ្នេយ៍

សម្តេចប៉ាប ហ្វ្រង់ស៊ីស្កូ បានអធិដ្ឋាន និងបួងសួងដល់ប្រជាជនមីយ៉ាន់ម៉ា និងថៃ ដែលបានរងគ្រោះនឹងការវាយប្រហារដោយការរញ្ជួយដីដ៏ខ្លាំងក្លាមួយ ខណៈដែលទំហំនៃការខូចខាតត្រូវបានវាយតម្លៃថាខ្ពស់ ហើយចំនួនអ្នកស្លាប់កើនឡើងជាបន្តបន្ទាប់។

ក្រោយគ្រោះរញ្ជួយដីបានវាយប្រហារនៅក្នុងកម្រិតរហូតដល់ទៅ ៧,៧ រិចទ័រ កាលពីថ្ងៃសុក្រ តាមរយៈសារ​ទូរលេខ សម្តេច​ប៉ាប​បាន​សម្តែង​នូវការរំលែកទុក្ខចំពោះ​ការបាត់បង់​អាយុជីវិត និង​ការបំផ្លិចបំផ្លាញ​យ៉ាងធ្ងន់ធ្ងរ​។

សម្តេចប៉ាប ក៏បានអធិស្ឋានអស់ពីដួងចិត្តសម្រាប់ព្រលឹងនៃអ្នកស្លាប់ និងបន្ត​អធិដ្ឋាន​ នឹងនៅជាមួយអស់ អ្នកទាំងអស់ដែលរងផលប៉ះពាល់ដោយសោកនាដកម្មនេះ។

សម្តេចប៉ាបក៏បានអធិដ្ឋានទៅដល់បុគ្គលិកសង្គ្រោះបន្ទាន់ទាំងអស់ ហើយលើកទឹកចិត្តពូកគេឲ្យបន្ត​ទ្រទ្រង់​រុករកជនរងគ្រោះដែលជាប់គាំងនៅក្នុងអគារឬសំណង់ដែលដួលរលំ។

គ្រោះរញ្ជួយដីដែលមានកម្រិត៧,៧ រិចទ័រ ហើយក្រោយមកក៏ធ្លាក់មកនៅ ៤,៥ ហើយឡើងទៅដល់ ៦,៦ រិចទ័រ បានបន្សល់ទុកនូវស្ថានភាព​កាលតែ​តែ​ធ្ងន់ធ្ងរ ដល់មីយ៉ាន់ម៉ា ដែលបានកំពុងតែរងគ្រោះនឹងសង្រ្គាមស៊ីវិល។

ក្រៅពីមីយ៉ាន់ម៉ាការ​រញ្ជួយនេះ​ក៏កើត​មាន​នៅ​ប្រទេស​ថៃ​ដែល​ជា​ប្រទេស​ជិត​ខាង​ដែរ៕