នៅពេលដែលបុរីវ៉ាទីកង់បានរៀបចំកិច្ចប្រជុំកំពូលអន្តរជាតិលើកដំបូងរបស់ខ្លួនស្តីពីសិទ្ធិកុមារ សម្តេចប៉ាបហ្រ្វង់ស៊ីស្កូបានជំរុញឱ្យអស់អ្នកដែលពាក់ព័ន្ធលើកកំពស់ការការពារកុមារទាំងអស់។
កិច្ចប្រជុំកំពូលនេះបានរៀបចំឡើងកាលពីថ្ងៃទី ០៣ ខែកុម្ភៈ ដោយមានការចូលរួមដោយផ្ទាល់របស់សម្តេចប៉ាប អ្នកតស៊ូមតិទូទាំងពិភពលោក និងមេដឹកនាំអង្គការមិនមែនរដ្ឋាភិបាលនានា។ នៅក្នុងអំឡុងពេលនោះមេដឹកនាំនានាបានពិភាក្សានិងស្វះស្វែងរក ការតស៊ូសម្រាប់កុមាររាប់លាននាក់ដែលខ្វះខាតសិទ្ធិជាមូលដ្ឋានរបស់ពួកគេ។
សារជាស្នូលរបស់កិច្ចប្រជុំកំពូលគឺផ្តោតលើប្រធានបទ «គ្មានអ្វីមានតម្លៃជាងជីវិតរបស់កុមារ» ខណៈ ពេលដែលពួកគេកំពុងតែប្រឈមមុខនឹងភាពក្រីក្រ សង្គ្រាម និងការកេងប្រវ័ញ្ច។
នាឱកាសនោះសម្តេចប៉ាបបានថ្លែងអំណរគុណដល់អ្នកចូលរួម ហើយជជែកពិភាក្សាគ្នាអំពីសភាពពិតក្នុងពិភពកុមារ។
ដើម្បីបន្តបេសកកម្មនេះ សម្តេចប៉ាបបានប្រកាសពីផែនការការសរសេរឯកសារដាស់តឿនទៅអស់បព្វជិតបព្វជិតា ដើម្បីលើកកម្ពស់ការការពាររកុមារនៅទូទាំងពិភពលោក។
នាឱកាសនោះម្ចាស់ក្សត្រី រ៉ានៀ អាល អាឌូឡាស (Rania Al Abdullah) នៃប្រទេសហ្ស៊កដានីបានជំរុញពិភពលោកឱ្យរក្សាកិច្ចសន្យារបស់ខ្លួនក្នុងការការពារកុមារគ្រប់រូប។
ព្រះនាងបានចែករំលែកការពិតដ៏អាក្រក់មួយថា ៩៦% នៃកុមារនៅហ្គាហ្សាកំពុងតែរស់ជាមួយនឹងការភ័យខ្លាច ការបាត់បង់ជីវិត ហើយជិត ៥០% ចង់ស្លាប់។ ព្រះនាងបានសួរទៅកម្មវិធីថា «តើយើងទុកឲ្យមនុស្សជាតិរបស់យើងនៅក្នុងស្ថានភាពបែបនេះដោយរបៀបណា?»
Daily Program
