សម្តេចប៉ាប អធិស្ឋានសុំសន្តិភាពនៅតំបន់ជម្លោះជុំវិញពិភពលោកជាថ្មី

កាលពីថ្ងៃទី ០៩ ខែកុម្ភៈឆ្នាំ២០២៥  សម្តេចប៉ាប ហ្វ្រង់ស៊ីស្កូ បានបន្តអធិដ្ឋានសុំសន្តិភាពនៅក្នុងតំបន់ជម្លោះនានា ដែលរួមមាន ​អ៊ុយក្រែន ប៉ាឡេស្ទីន អ៊ីស្រាអែល មីយ៉ាន់ម៉ា កុងហ្គោ និង​ស៊ូដង់។

វ៉ាទីកង់ញូវបានរាយការណ៍ថា ការអធិដ្ឋាននេះបានរៀបចំឡើងនៅក្នុងបរិយាកាសដ៏ល្អ ហើយទ្រង់ក៏បាន រំលឹកពីរបៀបរបស់​យោធិន ក៏​អាច​ជា​ភ្នាក់ងារសន្តិសុខ ចូលរួម​បង្កើតសន្តិភាព​ក្នុង​តំបន់​ជម្លោះផងដែរ។​

សម្តេចប៉ាប ស្វាគមន៍យ៉ាងកក់ក្តៅចំពោះបូជនីយេសក៍​ក្នុង​ពេល​ធ្វើ​ធម្មយាត្រា​ក្នុង​ឆ្នាំ​មហាករុណាទិគុណ ដែលក្នុងនោះ​មាន​គ្រូអប់រំជំនឿ លោកបូជាចារ្យ និង​បងប្រុសបងស្រីមួយចំនួន ហើយ​គាត់​បាន​ជម្រាប​សួរ​អ្នក​ដែល​ចូល​បម្រើ​យោធា​ទូទាំង​ពិភពលោកផងដែរ។

សម្តេចប៉ាបបានលើកទឹកចិត្តពួកគេដោយមានបន្ទូលថា អ្នកដែលលះបង់ខ្លួនឯង​បម្រើយោធាក្នុង​ប្រទេសរបស់ពួកគេ គួរតែចាត់ទុកខ្លួនឯងថាជាភ្នាក់ងារសន្តិសុខ និងភ្នាក់ងាបម្រើនិងការពារសេរីភាពរបស់ប្រជាជន។

សម្តេចប៉ាបក៏បានកត់សម្គាល់ថា សេវាប្រដាប់អាវុធ ត្រូវអនុវត្តសម្រាប់​ការពារខ្លួនប៉ុណ្ណោះ មិនត្រូវដាក់បន្ទុកលើប្រជាជាតិដទៃឡើយ ហើយយោធាគួរតែ​គោរពតាមអនុសញ្ញាអន្តរជាតិស្តីពីជម្លោះជា​អាទិភាព​​និងសំខាន់បំផុត ដោយ​គោរពចំពោះជីវិតនិងស្នាព្រះហស្ត​របស់​ព្រះជាម្ចាស់៕