ដប់ឆ្នាំបន្ទាប់ពីការអំពាវនាវសុំសន្តិភាពដោយ សម្តេចប៉ាបហ្រ្វង់ស៊ីស្កូ ទៅកាន់មេដឹកនាំអ៊ីស្រាអែល និងប៉ាឡេស្ទីន ព្រមទាំងអ្នកដែលពាក់ព័ន្ធ ទ្រង់បាន រំលឹកខួបប្រវត្តិសាស្ត្រ និងចេញការអំពាវនាវជាថ្មីមួយទៀតសម្រាប់សន្តិភាពនៅពេលដែលសង្រ្គាមនៅក្នុងដែនដីបរិសុទ្ធនៅតែបន្ត។
វ៉ាទីកង់ញូវបានរាយការណ៍ថា កាលពី១០ ឆ្នាំមុន សម្តេចប៉ាប បានរៀបចំការអំពាវនាវជាប្រវត្តិសាស្ត្រមួយសម្រាប់សន្តិភាពនៅក្នុងដែនដីបរិសុទ្ធ នៅក្នុងសួនច្បារបុរីវ៉ាទីកង់។ ដប់ឆ្នាំទៀត នៅពេលដែលសង្រ្គាមបានបំផ្លិចបំផ្លាញតំបន់នោះ ទ្រង់ត្រូវបានកំណត់ដើម្បីបន្តការអំពាវនាវរបស់ទ្រង់ជាមួយនឹងកាយវិការដ៏សំខាន់មួយ។
លោក ម៉ាតេអូ ប្រ៊ុននី (Matteo Bruni) នាយកការិយាល័យព័ត៌មាន សន្តអាសនៈបានបញ្ជាក់ ថា ពិធីរំលឹកខួបនេះ នឹងធ្វើឡើងនៅកន្លែងតែមួយ និងនៅថ្ងៃដដែលនោះ ចំពេលមានសេណារីយ៉ូ នៅតែបន្តនៅហ្គាហ្សា។
លោកបានលើកឡើងថា នៅថ្ងៃទី៨ ខែមិថុនា ឆ្នាំ២០១៤ សម្តេចប៉ាប ប្រធានាធិបតីនៃរដ្ឋអ៊ីស្រាអែលនាពេលនោះ លោក ស៊ីមន ប៉េរ៉េស ( Shimon Peres) ប្រធានាធិបតីនៃរដ្ឋប៉ាឡេស្ទីន លោក ម៉ាសមូទ អាបាស ( Mahmoud Abbas )និងអ្នកដែលពាក់ព័ន្ធ បានបង្កើតប្រវត្តិសាស្ត្រនៅក្នុងព្រឹត្តិការណ៍ដែលមិនធ្លាប់មានពីមុនមក ដោយពួកគេ បានរួមគ្នាដាំដើមអូលីវមួយដើមដើម្បីសន្តិភាព និងថ្លែងទៅកាន់អ្នកដែលមានវត្តមាននៅក្នុងសួនបុរីវ៉ាទីកង់។
ក្នុងឱកាសនោះ សម្តេចប៉ាប បានក្រើនរំលឹកដល់អ្នកចូលរួមថា ៖ «ពិភពលោករបស់យើងមិនត្រឹមតែជាកេរដំណែលសម្រាប់យើងពីជំនាន់មុនៗ ប៉ុណ្ណោះទេ ប៉ុន្តែវាក៏ជាពិភពមួយសម្រាប់យើងត្រូវបន្តទៅ កូនចៅរបស់យើងផងដែរ។ កូនចៅរបស់យើងមិនគួរ នឿយហត់ អស់កម្លាំងដោយសារជម្លោះ និងការចង់បានទៀតឡើយ»។
សម្តេចប៉ាបបានមានបន្ទូលថា ៖ «អ្វីដែលកូនចៅរបស់យើងចង់បានគឺចង់ឲ្យយើង រលំជញ្ជាំងនៃសេចក្តីខ្មាំងសត្រូវ ហើយដើរលើផ្លូវនៃការសន្ទនា និងសន្តិភាព ដូច្នេះសេចក្តីស្រឡាញ់ និងមិត្តភាពនឹងបានគង់វង្ស»។
ព្រះវរបិតាដ៏វិសុទ្ធក៏បានបញ្ជាក់ជាថ្មីថា ការបង្កើតសន្តិភាពទាមទារឲ្យមានភាពក្លាហាន ក្នុងការនិយាយថា បាទ/ចាស និងទេចំពោះអំពើហិង្សា បាទចំពោះការចរចា និងទេចំពោះអរិភាព បាទ/ចាស ដើម្បីគោរពកិច្ចព្រមព្រៀង និងទេចំពោះសកម្មភាពបង្កហេតុ បាទចំពោះភាពស្មោះត្រង់ និងទេ ភាពសួនតួ ទាំងអស់នេះត្រូវការភាពក្លាហាន វាត្រូវការកម្លាំងនិងភាពរឹងមាំ៕
Daily Program
