សម្តេចប៉ាប​លើក​ឡើង​បញ្ហា​​លើពិភពលោកជាច្រើន​ករណី

មានបន្ទូលទៅកាន់គ្រីស្តបរិស័ទដែលប្រមូលផ្តុំគ្នានៅទីលានសន្តសិលា សម្តេចប៉ាបបានមានបន្ទូលសង្កត់ធ្ងន់នៅលើបញ្ហាជាច្រើនដែលបានកើតមាននៅលើពិភពលោក ។​

សម្តេចហ្រ្វង់ស៊ីស្កូ ទូលអង្វរសម្រាប់​​ជនរងគ្រោះ ជនភៀសខ្លួន និង​ក្រុម​គ្រួសារ​ដែលជួបហេតុការណ៍បំផ្ទុះភ្នំភ្លើង​ Lewotobi Laki-laki ដែលបានបង្ខំឱ្យមានការជម្លៀសអ្នកស្រុកប្រហែល៦.៥០០នៅក្នុង​តំបន់មួយក្នុងចំណោមតំបន់ដែលមានហានិភ័យខ្ពស់នៃការរញ្ជួយដីរបស់ប្រទេសឥណ្ឌូនេស៊ី ក៏ដូចជាគ្រោះទឹកជំនន់នៅអេស្ប៉ាញដែលសម្លាប់មនុស្សជាង ២00 នាក់ ហើយសេវាសង្គ្រោះបន្ទាន់កំពុងបន្តស្វែងរកមនុស្សរាប់រយនាក់ដែលនៅតែបាត់ខ្លួន។ ហើយទ្រង់​បាន​អំពាវនាវឱ្យមានកិច្ចសន្ទនាជុំវិញភាពចលាចលនៅក្នុងប្រទេសម៉ូសំប៊ិក និងការបញ្ចប់ការបង្ហូរឈាមនៅអ៊ុយក្រែន ប៉ាឡេស្ទីន អ៊ីស្រាអែល មីយ៉ាន់ម៉ា និងស៊ូដង់៕