សម្តេចប៉ាប៖ មរណបុគ្គលគឺជាសក្ខីកម្មភាពស្រស់ស្អាតនៃដំណឹងល្អ

សម្តេចប៉ាប ហ្វ្រង់ស៊ីស្កូ បានមានបន្ទូលកត់សំគាល់ នូវគំរូដ៏មានអានុភាព និងភាព​ដ៏វិសុទ្ធរបស់សន្តបុគ្គល នៅពេលដែលទ្រង់យាងស្វាគមន៍អ្នកចូលរួមនៅក្នុងសន្និសីទដែលរៀបចំដោយ ក្រសួងទទួលបន្ទុកកិច្ចការសន្តបុគ្គល ដែលផ្តោតលើការធ្វើសាក្សីនៃជំនឿ និងការបូជាជីវិតដើម្បីព្រះសហគមន៍កាលពីចុងសប្តាហ៍មុន។ នេះបើតាមវ៉ាទីកង់ញូវ ។​

នាឱកាសនោះសម្តេចប៉ាប​​បាន​ចាប់​ផ្ដើម​ដោយ​ការ​រំឭក​ពី​សន្និសីទ​ត្រូវ​បាន​ដឹកនាំ​ដោយ​ព្រះបន្ទូល​របស់​ព្រះយេស៊ូ​នៅ​ក្នុងការប្រកាស​ដំណឹងល្អ​ដោយលើកឡើង ​ថា «គ្មាន​អ្នក​ណា​មាន​សេចក្ដី​ស្រឡាញ់​ធំ​ជាង​នេះ​ទេ ការ​លះបង់​ជីវិត​សម្រាប់ជំនឿគឺជាការលះបង់ដ៏ធំ ពោលគឺជាការលះបង់ដើម្បីមនុស្សជាតិនិងព្រះជាម្ចាស់»។

សម្តេចប៉ាប បានកត់សម្គាល់បន្តថា មិនគ្រាន់តែទាមទារការខិតខំប្រឹងប្រែងរបស់មនុស្ស ឬការប្តេជ្ញាចិត្តផ្ទាល់ខ្លួនក្នុងការលះបង់នោះទេ ប៉ុន្តែសំខាន់ជាងនេះទៅទៀត ការលះបង់ជីវិតបែបនេះអនុញ្ញាតឱ្យខ្លួនត្រូវបានផ្លាស់ប្តូរដោយអំណាចនៃសេចក្តីស្រឡាញ់របស់ព្រះជាម្ចាស់ ដែលមានអត្ថន័យមិនអាចកាត់ថ្លៃបាន។

សម្តេចប៉ាបបានមានបន្ទូលថា តាំងពីបុរាណកាលមក ព្រះយេស៊ូបានគោរពយ៉ាងក្រៃលែង ចំពោះអស់អ្នកដែលបានលះបង ដោយជីវិតរបស់ពួកគេ  ហើយទ្រង់ក៏បានលះបង់បែបនេះសម្រាប់សេចក្ដីស្រឡាញ់រប​ស់ទ្រង់ ចំពោះព្រះគ្រីស្ទ និងព្រះសហគមន៍។

សម្តេចប៉ាបបានទទួលស្គាល់ថា សូម្បីតែសព្វថ្ងៃនេះ នៅក្នុងតំបន់ជាច្រើននៃពិភពលោក មានអ្នកទុក្ករបុគ្គលជាច្រើនដែលបានលះបង់ជីវិតរបស់ពួកគេសម្រាប់ព្រះគ្រីស្ទ នៅពេលដែលមានគេ​បៀតបៀន​ដោយ​សារ​តែ​ការ​ជំរុញ​ដោយ​សេចក្ដី​ជំនឿ​លើ​ព្រះជាម្ចាស់ ដែលចេញមុខការពារ​យុត្តិធម៌ សេចក្ដី​ពិត សន្តិភាព និង​សេចក្ដី​ថ្លៃថ្នូរ​របស់​មនុស្ស៕