នៅពេលដែលគ្រីស្តបរិស័ទកំពុងតែត្រៀម រៀបចំពិធីបុណ្យ ចម្លង នៅឆ្នាំ ២០២៥ខាងមុខ សម្តេចប៉ាប បានរំលឹកថា ការប្រារព្ធពិធីបុណ្យនេះ ជាកម្មសិទ្ធិរបស់ព្រះគ្រីស្ត មិនមែនសម្រាប់ប្រតិទិន ឬផែនការរបស់យើងទេ។
វ៉ាទីកង់ញូវបានរាយការណ៍ថា សម្តេចប៉ាបហ្រ្វង់ស៊ីស្កូបានបញ្ជាក់បែបនេះនៅពេលដែលទ្រង់ បានជួប ជាមួយអ្នកតំណាងនៃគំនិតផ្តួចផ្តើមរៀបចំបុណ្យចម្លងរួមឆ្នាំ២០២៥កាលពីថ្ងៃព្រហស្បតិ៍កន្លងទៅនេះ។
តាមការគម្រោងទុកក្រុមបណ្ឌិតខាងកម្មវិធីរបស់ព្រះសហគមន៍កាតូលិក និង គ្រីស្តសាសនាមួយចំនួន គឺគ្រោងនឹងរួមគ្នារៀបចំបុណ្យចម្លងនៅក្នុងពេលតែមួយនាឆ្នាំ២០២៥ ដែលព្រះសហគមន៍កាតូលិក កំណត់ថា ជាឆ្នាំនៃអំណរសប្បាយ។
នាឱកសនោះសម្តេចប៉ាបបានលើកទឹកចិត្តដល់ក្រុមការងារនៃគំនិតផ្តួចផ្តើម ដោយមានបន្ទូល កត់សម្គាល់ថា ទ្រង់ត្រូវបានគេស្នើសុំជាច្រើនដង ដើម្បីស្វែងរកដំណោះស្រាយចំពោះបញ្ហានៃកាលបរិច្ឆេទជាច្រើនសម្រាប់បុណ្យ បុណ្យចម្លង។
សម្តេចប៉ាបបានមានប្រសាសន៍ថា “ទូលបង្គំជាខ្ញុំលើកទឹកចិត្តអ្នកដែលប្ដេជ្ញាចិត្តក្នុងដំណើរនេះឲ្យមានការតស៊ូ ហើយព្យាយាមគ្រប់យ៉ាងក្នុងការស្វែងរកកិច្ចព្រមព្រៀងរួម ដោយជៀសវាងនូវអ្វីដែលអាចនាំឲ្យមានការបែកបាក់បន្ថែមទៀតក្នុងចំណោមបងប្អូនរបស់យើង”។
បន្ទាប់មកសម្តេចប៉ាបបានចង្អុលបង្ហាញថាបុណ្យចម្លងមិនកើតឡើងដោយការផ្តួចផ្តើមរបស់យើងទេហើយមិនត្រូវបានភ្ជាប់ទៅប្រតិទិនណាមួយឡើយ។
ទ្រង់បានមានប្រសាសន៍ថា «បុណ្យចម្លងកើតឡើងដោយសារព្រះជាម្ចាស់ ស្រឡាញ់លោកីយ៍ដូច្នេះហើយ បានជាទ្រង់បានប្រទានព្រះរាជបុត្រាតែមួយរបស់ទ្រង់ ដើម្បីឲ្យអ្នកណាដែលជឿលើទ្រង់មិនត្រូវវិនាសឡើយ គឺមានជីវិតអស់កល្បជានិច្ច។
សម្តេចប៉ាប បានដាស់តឿនគ្រីស្តបរិស័ទកុំឲ្យបិទខ្លួនយើងក្នុងផែនការ គំនិត និងប្រតិទិន តែត្រូវឈ្វេងយល់អំពីអត្ថន័យពិតប្រាកដ៕
Daily Program
