សម្តេចប៉ាប៖ កុំប្រើ AI ​ធ្វើ​ឲ្យ​មានវិសមភាព ឬ ​ជម្លោះ​កាន់តែ​អាក្រក់

នៅក្នុងសារផ្ញើទៅកាន់វេទិកាសេដ្ឋកិច្ចពិភពលោកនៅទីក្រុងដាវូស សម្តេចប៉ាបហ្រ្វង់ស៊ីស្កូបានមានបន្ទូល ថា មនុស្សជាតិអាចប្រើប្រាស AI បាន ប៉ុន្តែកុំយកវាធ្វើឲ្យមនុស្សជាតិមានវិសមភាពនិងជម្លោះ ។

នៅក្នុងបរិបទនេះ សម្តេចប៉ាបបានសង្កត់ធ្ងន់ថា ការវិវឌ្ឍន៍ផ្នែកបច្ចេកវិទ្យាដែល "មិនធ្វើអោយជីវិតប្រសើរឡើងសម្រាប់មនុស្សគ្រប់គ្នានោះទេ ប៉ុន្តែផ្ទុយទៅវិញ ការបង្កើតនេះវា ឬធ្វើឱ្យវិសមភាព និងជម្លោះកាន់តែអាក្រក់ទៅៗ ។

សម្តេចប៉ាប បានលើកឡើងថា នៅក្នុងស្ថានភាពបែបនេះ គេមិនអាចហៅ AI ថា ជាឧបករណ៍នាំ វឌ្ឍនភាពពិតមកដល់មនុស្សជាតិបានឡើយ ។

សម្តេចប៉ាបបានមានបន្ទូលថា ការវិវឌ្ឍន៍ផ្នែកបច្ចេកវិទ្យាដែលមិនធ្វើអោយជីវិតកាន់តែប្រសើរឡើងសម្រាប់មនុស្សគ្រប់រូបឡើយ ប៉ុន្តែផ្ទុយទៅវិញបង្កើត ឬធ្វើអោយវិសមភាព និងជម្លោះកាន់តែអាក្រក់ទៅៗ ។

សម្រាប់ហេតុផលនេះ ទ្រង់បានមានបន្ទូលថា AI គួរតែត្រូវបានដាក់តែសេវាកម្មផ្នែកសុខភាពដើម្បីជួយមនុស្សកាន់តែច្រើន សង្គមកាន់តែទូលំទូលាយ និងការស្វែងរកមុខងារផ្សេងដែលមានប្រយោជន៍ដល់ការអភិវឌ្ឍន៍ដែលសំខាន់ជាងនេះ។

សម្តេចប៉ាបបានទទូចថា មនុស្សជាតិគួរតែពិនិត្យនិងថ្លឹងថ្លែងឡើងវិញនូវសារៈសំខាន់នៃសហគមន៍ និងការប្តេជ្ញាចិត្តជាថ្មីក្នុងការថែរក្សាធម្មជាតិនិងដំណើរប្រពឹត្តទៅនៃធម្មជាតិ  ។

សម្តេចប៉ាបបានមានបន្ទូលថា រដ្ឋាភិបាល និងវិស័យឯកជនគួរតែ អនុវត្តការប្រើប្រាស់ AI ដោយការប្រុងប្រយ័ត្ន ហើយវាអាចនឹងលើកកម្ពស់សេចក្តីថ្លៃថ្នូររបស់មនុស្ស មុខរបររបស់មនុស្ស និងផលប្រយោជន៍របស់មនុស្ស ។