សម្តេចប៉ាបៈ AI ត្រូវតែលើកកម្ពស់ តែមិនត្រូវបំពានលើសេចក្តីថ្លៃថ្នូររបស់មនុស្សឡើយ

នៅក្នុងសារផ្ញើរទៅកាន់វេទិកាសេដ្ឋកិច្ចពិភពលោកឆ្នាំ ២០២៥ ដែលប្រព្រឹត្តទៅនៅទីក្រុង ដាវូស សម្តេចប៉ាប ហ្វ្រង់ស៊ីស្កូ បានអំពាវនាវឱ្យមានការប្រើប្រាស់ប្រកបដោយក្រមសីលធម៌ និងការទទួលខុសត្រូវចំពោះបញ្ញាសិប្បនិម្មិត។​

នៅក្នុងសារនោះសម្តេចប៉ាប​ បានមានបន្ទូលថា AI ត្រូវតែជួយមនុស្សជាតិដើម្បីប្រយោជន៍របស់មនុស្សទាំងអស់គ្នា តែមិនត្រូវបំពានលើសេចក្តីថ្លៃថ្នូររបស់មនុស្សឡើយ ដើម្បីជាប្រយោជន៍ដល់ប្រសិទ្ធភាពនៃការទទួលខុសត្រូវនានា។

សម្តេចប៉ាបបានសង្កត់ធ្ងន់ថា សេចក្តីថ្លៃថ្នូររបស់មនុស្សគួរមិនត្រូវមានការរំលោភបំពានឡើង ហើយគ្រប់គ្នាមានតួនាទីធ្វើឲ្យប្រាកដថា AI គឺជាឧបករណ៍វិទ្យាសាស្រ្តដែលគេបង្កើតឡើង ដើម្បីជាប្រយោជន៍ដល់ប្រសិទ្ធភាពនិងសេចក្តីថ្លៃថ្នូរបស់មនុស្សជាតិ ។

ក្រោមប្រធានបទ"កិច្ចសហប្រតិបត្តិការសម្រាប់យុគសម័យឆ្លាតវៃ" សម្តេចប៉ាបបាន ឆ្លុះបញ្ចាំងពីបញ្ញាសិប្បនិម្មិតថាជាឧបករណ៍ "មិនត្រឹមតែសម្រាប់កិច្ចសហប្រតិបត្តិការប៉ុណ្ណោះទេ" "ប៉ុន្តែក៏ដើម្បី នាំ​ប្រជាជន​មក​ជុំ​គ្នា» ប្រកដោយសាមគ្គីភាពនិងអំណរសប្បាយ ។

សម្តេច​ប៉ាប​បាន​ចងចាំ​ថា តាមជំនឿគេ​បាន​ចាត់​ទុក​អំណោយ​នៃ​ភាព​វៃឆ្លាត​ថា​ជា​ទិដ្ឋភាព​ដ៏​សំខាន់​មួយ​នៃ​មនុស្ស​ដែល​បាន​បង្កើត​ដោយព្រះជាម្ចាស់។

ជាមួយគ្នានេះ សម្តេចប៉ាប ក៏បានគូសបញ្ជាក់ថា ព្រះសហគមន៍កាតូលិក នៅតែជាតួឯក និងជាអ្នកគាំទ្រការជឿនលឿននៃវិទ្យាសាស្ត្រ បច្ចេកវិទ្យា សិល្បៈ និងទម្រង់ផ្សេងៗនៃការខិតខំរបស់មនុស្ស ដោយចាត់ទុកពួកគេជាផ្នែកនៃ 'កិច្ចសហប្រតិបត្តិការរបស់មនុស្ស និង ស្ត្រី​ដែល​មាន​ព្រះ​ក្នុង​ការ​ធ្វើ​ឲ្យ​បាន​គ្រប់​លក្ខណ៍​ដល់​ការ​បង្កើត​ដែលគេ​មើល​ឃើញ។

សម្តេចប៉ាបបានសរសើរថា “នៅពេលប្រើបានត្រឹមត្រូវ” AI ជួយមនុស្សក្នុងការបំពេញការងាររបស់ខ្លួន ក្នុងសេរីភាព និងការទទួលខុសត្រូវ ប៉ុន្តែសូមប្រុងប្រយ័ត្ន ។

សម្តេចប៉ាបបានបានក្រើនរំលឹកថា AI ត្រូវតែត្រូវបានបញ្ជាដោយមនុស្ស និងក្លាយជាផ្នែកនៃកិច្ចខិតខំប្រឹងប្រែងដើម្បីសម្រេចបាន "យុត្តិធម៌កាន់តែច្រើន ភាតរភាពកាន់តែទូលំទូលាយ និងលំដាប់នៃទំនាក់ទំនងសង្គមប្រកបដោយមនុស្សធម៌។​