សម្តេចប៉ាបអប់រំជំនឿនៅកន្លែងដ៏សាមញ្ញមួយនៅទីក្រុងរ៉ូម

វ៉ាទីកង់ញូវបានរាយការណ៍ថា សម្តេចប៉ាបហ្រ្វង់ស៊ីស្កូ កាលពីសប្តាហ៍មុនទ្រង់បានយាងធ្វើការអប់រំជំនឿនៅកន្លែងដ៏សាមញ្ញមួយកន្លែងជាមួយនឹងគ្រីស្តបរិស័ទនៅក្នុងទីក្រុងរ៉ូម ។

ប្រភពដដែលបានឲ្យដឹងថា ទីកន្លែងដែលទ្រង់យាងអប់រំជំនឿនោះគឺនៅកន្លែងដាក់រថយន្តនៃអគាខុនដូមួយ ដោយទ្រង់បានជួបនឹងបានធ្វើកម្មវិធីជាមួយនឹងសមាជិកនៃក្រុមគ្រួសារ៣០ ដែ​លរស់នៅក្នុងខុនដូរនោះ ។

ប្រភពដដែលបានបន្តថា ទីកន្លែងនោះគឺជាកន្លែងដ៏សមញ្ញបំផុតមួយដែលមានទីតាំងស្ថិតនឿ ភាគខាងលិចជាយទីក្រុងរ៉ូម ដែលហ៊ុំព័ទ្ធដោយជញ្ជាំងឥដ្ឋ ស៊ីម៉ង់​ ផ្ទៃការូធម្មតា​។

កម្មវិធីនោះគឺត្រង់ថ្លែងអប់រំជំនឿដល់គ្រិស្តបរិស័ទនៅកណ្តាលប្រជាពលរដ្ឋដែលកំពុងតែរស់នៅខុនដូ​នោះ ។​

កម្មវិធីអប់រំជំនឿនេះគឺធ្វើនៅរសៀលថ្ងៃទី​០៦​ខែ មិថុនា ហើយអ្នកដែលបានចូលរួមគឺមានជីដូនជីតា ក្មេងៗ​មួយចំនួន ហើយកម្មវិធីគឺនៅក្នុងលក្ខណៈដ៏សមាញ្ញាដោយគ្មានការរៀបចំ ជាមុនអ្វីទាំងអស់​។​

សម្តេចប៉ាបបានមានបន្ទូលលើកទឹកចិត្តពួកគេ ពង្រឹងជំនឿពួកគេ និង រំលឹកអំពីសារសំខាន់នៃជំនឿនៅក្នុងការផ្សាភ្ជាប់នឹងជិវភាពរស់នៅរបស់ប្រជាពលរដ្ឋ៕