មជ្ឈមណ្ឌលរដ្ឋធម្មនុញ្ញជាតិដែលមានមូលដ្ឋាននៅសហរដ្ឋអាមេរិកបានប្រកាសថាខ្លួននឹងផ្តល់រង្វាន់ ដល់សម្តេចប៉ាបឡេអូទី១៤ នូវមេដាយសេរីភាពប្រចាំឆ្នាំលើកទី៣៨ នៅថ្ងៃទី៣ ខែកក្កដា ឆ្នាំ២០២៦ ដោយពិធីប្រគល់រង្វាន់នេះនឹងរៀបចំក្នុងទីក្រុងហ្វីឡាដែលភៀ សហរដ្ឋអាមេរិក ។
មជ្ឈមណ្ឌលរដ្ឋធម្មនុញ្ញជាតិនេះបាននិយាយនៅក្នុងសេចក្តីថ្លែងការណ៍មួយថា ពានរង្វាន់នេះទទួលស្គាល់នូវការងារពេញមួយជីវិតរបស់សម្តេចប៉ាបឡេអូក្នុងការលើកកម្ពស់សេរីភាពសាសនា និងសេរីភាពនៃសតិសម្បជញ្ញៈ និងការបញ្ចេញមតិនៅជុំវិញពិភពលោក ដែលជាឧត្តមគតិដែលត្រូវបានបន្សល់ទុកដោយស្ថាបនិកអាមេរិកនៅក្នុងវិសោធនកម្មទីមួយនៃរដ្ឋធម្មនុញ្ញសហរដ្ឋអាមេរិក”។
លោក ម៉ាតេអូ ប្រូននី (Matteo Bruni) នាយកការិយាល័យព័ត៌មានសន្តអសនៈ បានមានប្រសាសន៍ថា សម្តេចប៉ាបឡេអូ ទ្រង់មានអំណរគុណយ៉ាងជ្រាលជ្រៅចំពោះមជ្ឈមណ្ឌលរដ្ឋធម្មនុញ្ញជាតិសម្រាប់ពានរង្វាន់ដ៏មានកិត្យានុភាពនេះ ក្នុងខួបដ៏មានអត្ថន័យសម្រាប់ប្រជាជនអាមេរិក ខណៈដែលពួកគេត្រូវបានអំពាវនាវឱ្យឆ្លុះបញ្ចាំងពីប្រវត្តិសាស្ត្ររយៈពេល ២៥០ ឆ្នាំរបស់ពួកគេ ដោយកាន់សេចក្តីប្រកាសឯករាជ្យ រដ្ឋធម្មនុញ្ញសហរដ្ឋអាមេរិក និងសេរីភាពជាសញ្ញាសម្គាល់នៃបេតិកភណ្ឌរបស់ពួកគេសម្រាប់មនុស្សជំនាន់ក្រោយ។
ព្រឹត្តិការណ៍នេះត្រូវបានគេរំពឹងថានឹងនាំមកនូវមេដឹកនាំស៊ីវិល និងសាសនា និងសមាជិកសាធារណៈជនមកជួបជុំគ្នា ដើម្បីពិចារណាពីរបៀបដែលឧត្តមគតិស្ថាបនិករបស់អាមេរិកដែលបានបង្ហាញកាលពី ២៥០ ឆ្នាំមុន នៅតែបន្តលិចត្រដែតឡើងនៅក្នុងបរិបទសកលលោកនាពេលបច្ចុប្បន្ន៕
Daily Program
