នៅក្នុងទិវាគណិតវិទ្យាអន្តរជាតិ សម្តេចប៉ាបឡេអូទី១៤ បានផ្ញើសារមួយចូលរួមទិវានេះហើយលើកទឹកចិត្តឲ្យគណិតវិទូនានា ឆ្លុះបញ្ចាំងអំពីតួនាទីដែលគណិតវិទ្យាអាចដើរតួនៅក្នុងពិភពលោកសព្វថ្ងៃនេះ។
នៅក្នុងសារដែលចេញកាលពី ពីថ្ងៃសុក្រសប្តាហ៍មុនសម្តេចប៉ាបបានមានបន្ទូលថា គណិតវិទូអាចក្លាយជា សញ្ញានៃក្តីសង្ឃឹមសម្រាប់ពិភពលោក ជាពិសេសនៅក្នុងបរិបទដែលត្រូវបានសម្គាល់ដោយការរីកចម្រើនខាងបច្ចេកវិទ្យាយ៉ាងឆាប់រហ័ស និងបញ្ហាប្រឈមដែលមនុស្សជាតិកំពុងប្រឈមមុខ។
សាររបស់សម្តេចប៉ាបត្រូវបានផ្ញើទៅកាន់លោក បេទុល តានបេ ( Betül Tanbay) ដែលជាគណិតវិទូ និងជាសាស្ត្រាចារ្យសាកលវិទ្យាល័យជនជាតិទួរគី ដែលជាប្រធាននៃទិវាគណិតវិទ្យាអន្តរជាតិ ដែលត្រូវបានប្រារព្ធឡើងនៅថ្ងៃទី ១៣ ខែមីនា។
លោក តានបេ បានជម្រាបជូនសម្តេចប៉ាបអំពីសិក្ខាសាលាតាមអ៊ីនធឺណិតដែលឧទ្ទិសដល់ប្រធានបទ «គណិតវិទ្យា និងក្តីសង្ឃឹម»។
សម្តេចប៉ាបឡេអូបាន លើកទឹកចិត្តអ្នកចូលរួមឱ្យពិចារណាពីរបៀបដែលអ្នកគណិតវិទូអាចផ្តល់សក្ខីកម្មវិជ្ជមានដល់សង្គម។ ទ្រង់បានកត់សម្គាល់ថា "វិស័យស្រាវជ្រាវដ៏មានផ្លែផ្កាមួយគឺការប្រើប្រាស់ក្បួនដោះស្រាយ ជាពិសេសនៅក្នុងវិស័យបញ្ញាសិប្បនិម្មិត"។
សម្តេចប៉ាបឡេអូបានសង្កត់ធ្ងន់ថា ការងារក្នុងវិស័យទាំងនេះទាមទារអ្វីមួយលើសពីសមត្ថភាពបច្ចេកទេស។ ដូចដែលលោកបានចង្អុលបង្ហាញ ភារកិច្ចនេះទាមទារ "មិនត្រឹមតែការខិតខំប្រឹងប្រែងខាងបញ្ញា និងភាពប៉ិនប្រសប់ប៉ុណ្ណោះទេ ប៉ុន្តែថែមទាំងការរីកចម្រើនដ៏សំខាន់របស់មនុស្សទាំងមូល" ដែលមានសមត្ថភាពគិតគូរពីវិមាត្រសីលធម៌នៃបច្ចេកវិទ្យាដែលកំពុងរីកចម្រើន៕
Daily Program
