សម្តេចប៉ាបលើកទឹកចិត្តកុមារឱ្យធ្វើជាអ្នកផ្សព្វផ្សាយសាសនា

សម្តេចប៉ាបហ្រ្វង់ស៊ីស្កូបានមានបន្ទូលលើកទឹកចិត្តដល់កុមារនានាឲ្យក្លាយជា អ្នកផ្សព្វផ្សាយសាសនានៅលើពិភពលោក។

នៅក្នុងជំនួបជាមួយនឹងកុមារនៅក្នុងកម្មវិធីមួយដែលរៀបចំកាលពីថ្ងៃចន្ទ សម្តេចប៉ាប បានលើកទឹកចិត្តកុមារឱ្យអធិស្ឋាន និងបង្ហាញពីសាមគ្គីភាពជាមួយអ្នកដទៃ ដែលសកម្មភាពទាំងនេះ ជាផ្នែកមួយនៃបេសកកម្មផ្សព្វផ្សាយក៏ដូចជាប្រកាសដំណឹងល្អរបស់គ្រីស្តបរិស័ទ។

នាឱកាសនោះសម្តេចប៉ាប​​ក៏បាន​អញ្ជើញ​កុមារ​ទាំងអស់​ឲ្យ​ព្យាយាម​អធិស្ឋាន និង​បង្ហាញ​សាមគ្គីភាពរវាងពួកគេនិងកុមារាកុមារីដែលកំពុងតែរងទុក្ខលំបាកផ្សេងៗនៅកន្លែងដទៃ​​។

នៅក្នុងពេលនោះដែរ សម្តេចប៉ាបក៏បានថ្លែងនូវអំណរសប្បាយដែលកុមារអាចរួមចំណែកនៅក្នុងដំណើរការផ្សព្វផ្សាយសាសនា ហើយក៏បានសម្ដែងនិងផ្ញើសារស្វាគមន៍ដល់គ្រីស្តបរិស័ទនៅអឺរ៉ុបខាងកើត ដែលនឹងប្រារព្ធពិធីបុណ្យព្រះយេស៊ូប្រសូត្រកាលពីថ្ងៃទី ៧ ខែមករា ថ្មីៗនេះផងដែរ។

នាឱកាសនោះ សម្តេចប៉ាបក៏បានរំលេចឲ្យអ្នកដែលពាក់ព័ន្ធនឹងសង្រ្គាមនៅ ​អ៊ុយក្រែន ប៉ាឡេស្ទីន អ៊ីស្រាអែល មីយ៉ាន់ម៉ា និង គ្រប់​ប្រទេស​ដែល​មាន​សង្រ្គាម ឲ្យយកចិត្តទុកដាក់នឹងកុមារ៕