សម្តេចប៉ាបយាងទទួលអ្នកធ្វើបូជនីយចរមកពីរុស្ស៊ី

សម្តេចប៉ាបឡេអូទី១៤ ត្រូវបានវ៉ាទីកង់ញូវរាយការណ៍ថា បានយាងទទួលអ្នកធ្វើបូជនីយចរមួយក្រុមពីប្រទេសរុស្ស៊ី ហើយទ្រង់ក៏បានលើកទឹកចិត្តពួកគេឱ្យបន្តក្នុងការធ្វើដំណើរនៅក្នុងជីវិតជាគ្រិស្តសាសនិកបន្តទៅទៀត។​

តាមរយៈវ៉ាទីកង់ញូវ សម្តេចប៉ាបឡេអូទី១៤ បានសរសើរគំនិតផ្តួចផ្តើមរបស់គ្រិស្តបរិស័ទរុស្ស៊ី ក្នុងការធ្វើដំណើរបូជនីយចរមកកាន់ទីក្រុងរ៉ូមព្រោះវាជា "លក្ខណៈធម្មតានៃអ្នកដែលកំពុងស្វែងរកអត្ថន័យនៃជីវិត" ។

សម្តេច​ប៉ាបឡេអូ​បាន​គូសបញ្ជាក់​ថា វត្តមាន​របស់​ក្រុមបូជនីយចររុស្ស៊ីនេះ ​គឺ​ជា​ផ្នែក​មួយ​នៃ​ដំណើរ​មួយ «​ចែក​រំលែក​ដោយ​មនុស្ស​ជាច្រើន​ជំនាន់​ដែល​បាន​មក​ទស្សនា​កន្លែង​ទាំងនេះ​ជា​កន្លែង​ដែល​បេះដូង​នៃ​ព្រលឹង​គ្រិស្ត​សាសនិក​ប្រាថ្នាចង់មក។

សម្តេចប៉ាបឡេអូក៏​បាន​ចង្អុល​បង្ហាញ​ពី​របៀប សំគាល់​ជំនឿ​ដែល​មាន​ជីវិត ហើយរកឃើញ​នៅក្នុង​ចិត្ត​មនុស្ស។

សម្តេចប៉ាប ឡេអូ បានបន្តថា  'ការបំផ្លិចបំផ្លាញ' នៃបទពិសោធន៍កាលពីអតីតកាល រួមជាមួយនឹងការឈឺចាប់ ភាពមិនប្រាកដប្រជា និងភាពរសាប់រសល់ ត្រូវបានផ្សារភ្ជាប់ជាមួយនឹងជំនឿដែលរីកចម្រើនជារៀងរាល់ថ្ងៃ បង្កើតជារូបរាងតាមរយៈសប្បុរសធម៌ និងដោយក្តីសង្ឃឹមដែលមិនខកចិត្ត។

នាឱកាសនោះ សម្តេចប៉ាបឡេអូបាន លើកទឹកចិត្តក្រុមឱ្យបន្តការធ្វើដំណើររបស់ពួកគេជាគ្រីស្តសាសនិកដោយភាពក្លៀវក្លា។​

សម្តេចប៉ាប ឡេអូ បានរំលឹកក្រុមនេះថា ពួកគេគឺជាអ្នកទទួលខុសត្រូវចំពោះព្រះសហគមន៍សាសនា ក្នុងតំបន់របស់ពួកគេ៕