សម្តេចប៉ាបមានបន្ទូលថា សង្គ្រាមមិនអាចដោះស្រាយបញ្ហាទេ

សម្តេចប៉ាបហ្រ្វង់ស៊ីស្កូបានមានបន្ទូលជាថ្មីម្តងទៀតថា សង្រ្គាមគ្មានចំណេញ ហើយវាមិនអាចដោះសា្រយ បញ្ហាបានទេ គឺវាមានតែបន្តឲ្យមានទុក្ខលំបាក និង គ្រោះមហន្តរាយតែប៉ុណ្ណោះ។

នៅថ្ងៃពុធសប្តាហ៍នេះសម្តេចប៉ាបបានមានបន្ទូលសង្កត់ធ្ងន់ថា ពិភពលោកនៅតែត្រូវការការសន្ទនា និង ការអធិដ្ឋានសុំសន្តិភាព។ ការសន្ទនានិងការអធិដ្ឋានគឺជាច្រើនដែលអាចនឹងនាំមកនៅសន្តិភាពនិងការបញ្ចប់សង្រ្គាមបាន ចូររិះគិតអំពីចំណុចទាំងនេះ។

សម្តេចប៉ាប​បាន​បញ្ជាក់​ជា​ថ្មី​ថា​ «​សង្គ្រាម​គឺ​ជា​ការ​បរាជ័យ​របស់​មនុស្ស​ ហើយគ្មាន សង្គ្រាមណាអាចឲ្យគេ ដោះស្រាយបញ្ហាបានទេ នៅពេលនេះ"។

នៅចំពេលដែលពិភពលោកកំពុងតែមានជម្លោះជាច្រើនកន្លែង សម្តេចប៉ាបបានអធិស្ឋានជាពិសេសសម្រាប់ "មរណសាក្សីនៅ អ៊ុយក្រែន ប៉ាឡេស្ទីន អ៊ីស្រាអែល និងមីយ៉ាន់ម៉ា”។ ហើយទ្រង់មានបន្ទូលថា រាល់ថ្ងៃមាន​កុមារ​ជាច្រើន​បាន​ស្លាប់ មនុស្ស​ស្លូតត្រង់​ជាច្រើន​បានបាត់បង់ជីវិតដោយមិនដឹងអ្វីទាំងអស់។សម្តេចប៉ាប​បាន​បន្ត​អំពាវនាវ​សុំ​សន្តិភាព ដោយ​លើក​ទឹក​ចិត្ត​ឲ្យមនុស្សជាតិនានា ​អធិស្ឋាន​ជានិច្ចសុំសន្តិភាព៕