សម្តេចប៉ាបមានបន្ទូលថា ទៅមុខ កុំនៅស្ងៀម

សម្តេចប៉ាបហ្រ្វង់ស៊ីស្កូបានមានបន្ទូលថា ទោះជាយើងស្ថិតនៅក្នុងស្ថានភាពណាក៏ដោយសូមកុំបញ្ឈប់ចលនាទៅមុខរបស់យើង ។

វ៉ាទីកង់ញូវបានរាយការណ៍ថា ទ្រង់បានមានបន្ទូលបែបនេះនៅពេលដែលទ្រង់យាងជួបជាមួយក្រុមយុវជនមកពីសហភាពអ៊ីតាលីនៃជនមានពិការភាព និងពិការភ្នែក កាលពីថ្ងៃសុក្រសប្តាហ៍មុន។

នៅក្នុងឱកាសនោះសម្តេចប៉ាបបាន ឆ្លុះបញ្ចាំងពីអត្ថន័យនៃធម្មយាត្រា ដោយជំរុញឱ្យពួកគេធ្វើចលនាទៅមុខជានិច្ចទោះជាយឺតយ៉ាងណាក៏ដោយ សំខាន់គឺមានការផ្លាស់ប្តូរ។

នៅ​ក្នុង​សុន្ទរកថា​ដ៏​ខ្លី សម្តេច​ប៉ាប​បាន​ឆ្លុះ​បញ្ចាំង​ជាមួយ​ក្រុម​កុមារ និង​ក្មេង​ជំទង់​ទាំងនោះអំពី​អត្ថន័យ​នៃ​ធម្មយាត្រា ដោយ​ជំរុញ​ពួកគេ​ឲ្យ «កុំ​ឈប់​ដើរ​ទៅ​មុខ»។

សម្តេចប៉ាបបានមានបន្ទូលថា ប្រធានបទសម្រាប់ឆ្នាំអំណរសប្បាយ ២០២៥ គឺ "បូជនីយេសក៍នៃក្តីសង្ឃឹម" ដូច្នេះសូមកុំបោះបង់ក្តីសង្ឃឹម ទោះជាយើងនៅក្នុងស្ថានភាពណាក៏ដោយ។

សម្តេចប៉ាបបានសង្កត់ធ្ងន់ថា បូជនីយេសក៍មិនមែនគ្រាន់តែជាអ្នកដែលដើរនោះទេ ប៉ុន្តែជាអ្នកដែលមានគោលដៅ ហើយក្នុងករណី បូជនីយេសក៍នៅឆ្នាំអំណរសប្បាយនេះ គោលដៅនោះគឺទ្វារដ៏វិសុទ្ធ។

សម្តេច​ប៉ាប​បាន​មានបន្ទូល​ថា ទ្វារ​ដ៏វិសុទ្ធ​គឺជា​និមិត្តរូប​មួយ​ដែល​តំណាង​ឲ្យ​ព្រះយេស៊ូគ្រីស្តដែល​ជា​អាថ៌​កំបាំង​នៃ​ការសង្គ្រោះ ​ដែល​អនុញ្ញាត​ឲ្យ​យើង​ចូល​ទៅ​ក្នុង​ជីវិត​ថ្មី​​៕