សម្តេចប៉ាប ហ្វ្រង់ស៊ីស្កូបានយាងជួបជាមួយនឹងក្រុមយុវជនមួយតាមរយៈការយាងចូលរួម ព្រឹត្តិការណ៍យុវជនបង្កឲ្យមានភាពភ្ញាក់ផ្អើលដល់ពួកគេ។ ក្នុងឱកាសនោះទ្រង់មានបន្ទូលថា "ក្តីសង្ឃឹមកើតឡើង" នៅប្រទេសបែលហ្សិក ហើយបានប្រាប់យុវជនឱ្យអធិស្ឋាន និងស្វែងរកឡើងវិញនូវភាពគ្មានទោសពៃរ៍ដូចកូនក្មេង និងសេចក្តីអំណរដែលព្រះប្រាថ្នាសម្រាប់យើងទាំងអស់គ្នា។
វ៉ាទីកង់ញូវបានរាយការណ៍ថានៅចុងបញ្ចប់នៃកម្មវិធីជួបជាមួយបងប្អូន ជេស្វីតរបស់ទ្រង់នៅប្រទេសបែលហ្ស៊ិកកាលពីល្ងាចថ្ងៃសៅរ៍ សម្តេចប៉ាបបានចំណាយពេលយប់ថ្ងៃសៅរ៍របស់ទ្រង់នៅជាមួយនឹងយុវជនចំនួន ៦000 នាក់ដែលបានប្រមូលផ្តុំគ្នានៅឯពិព័រណ៍ ទីក្រុង ប្រ៊ុចសែល ។
នេះគឺជាព្រឹត្តិការណ៍មួយក្នុងស្មារតីនៃទិវាយុវជនពិភពលោក រួមទាំងធម្មយាត្រា សិក្ខាសាលាប្រកបដោយភាពច្នៃប្រឌិតស្តីពីជំនឿ និងខាងវិញ្ញាណ ពិធីប្រគុំតន្ត្រី និងការស្នាក់រួមគ្នានៅមួយយប់នៅក្នុងពហុ កីឡដ្ឋាន King Baudouin ។
ព្រឹត្តិការណ៍នេះត្រូវបានរៀបចំឡើងដោយសមាគមយុវជនគ្រីស្ទានប្រហែល៤០ នៅទីក្រុងធំៗបីរបស់បែលហ្ស៊ិក ដែលរួមមាន ហ្លេនឌ័រ ( Flanders) វលឡូនៀ (Wallonia) និង ប្រ៊ុចសែល ដោយមានការគាំទ្រពីក្រុមអន្តរសភាលោកអភិបាល នៃព្រះសហគមន៍ បែលហ្សិក។
ដោយនឹកការចងចាំពីទិវាយុវជនពិភពលោក ព្រះវរបិតាបរិសុទ្ធត្រូវបានស្វាគមន៍ដោយយុវជនដែលមានសេចក្តីរីករាយដែលមិននឹកស្មានថាទ្រង់នឹងសួរសុខទុក្ខពួកគេ។
ក្នុងអំឡុងពេលជួបគ្នានេះ សម្តេចប៉ាប បានលើកទឹកចិត្តយុវជនក្នុងសេចក្តីជំនឿ ដោយអញ្ជើញពួកគេឲ្យអនុញ្ញាតឲ្យព្រះអម្ចាស់ដឹកនាំពួកគេដោយសេចក្តីស្រឡាញ់។
សម្តេចប៉ាប បានជំរុញពួកគេឲ្យខិតខំអធិដ្ឋានជានិច្ចដើម្បីរក្សាព្រះជាម្ចាស់នៅក្នុងដួងចិត្តពួកគេ ប្រាប់ពួកគេកុំឲ្យមើលងាយអ្នកដទៃ៕
Daily Program
