នៅមុនពេលចាកចេញប៉ាពួញូហ្គេណេសម្តេចប៉ាបហ្រ្វង់ស៊ីស្កូ ជួបជាមួយយុវជនរបស់ប្រជាជាតិនេះ នៅកីឡដ្ឋាន លោក ចន ហ្គីស ( Sir John Guise) ក្នុងទីក្រុង ប៉័ មូរ៉េសស្ប៊ី ( Port Moresby ) ហើយទ្រង់បានលើកទឹកចិត្តពួកគេឱ្យអនុវត្ត ភាសានៃសេចក្តីស្រឡាញ់ និងមេត្តាករុណា ។
វ៉ាទីកង់ញូវបានរាយការណ៍ថា នាឱកាសនោះ យុវជនរបស់ប្រទេសនេះសរុបប្រមាណជា ១ម៉ឺននាក់មកពីគ្រប់ទិសទីនៅក្នុងប្រទេស ទោះបីជាពួកគេមានភាសាខុសៗគ្នាក៏ដោយ ។
ប្រភពដដែលបានរាយការណ៦ថា សម្តេចប៉ាបបានមានបន្ទូលថា អ្នកនៅប៉ាពួ និយាយភាសាខុសគ្នាដល់ទៅ ៨០០ ភាសា ប៉ុន្តែសូមស្រលាញ់គ្នា ហើយកុំបែងចែកនិងបំពារបំពានគ្នា ។
សម្តេចប់ាបបានលើកឡើងពីបញ្ហាប្រឈមធំៗដែលយុវជនប៉ាពួញូហ្គីណេកំពុងប្រឈមមុខ ដូចជាការរស់នៅដោយតម្លៃជាគ្រិស្តបរិស័ទក្នុងគ្រួសារ និងសង្គមរបស់ពួកគេ ។
សម្តេចប៉ាបបានមានបន្ទូលថា ការបន្តរស់នៅដោយក្តីស្រលាញ់សង្គមនិងមានសន្តិភាព និង សុខដុមនីយកម្ម ដែលជាឱកាសដ៏សំបូរបែប សម្រាប់ការលូតលាស់ និងការអភិវឌ្ឍន៍ ។
សម្តេចប៉ាប បានសម្តែងនូវសេចក្តីរីករាយក្នុងការចំណាយពេលនៅប្រទេសប៉ាពួញូហ្គីណេ ជាទឹកដីនៃមហាសមុទ្រ ភ្នំ និងព្រៃត្រូពិច ទ្រង់ក៏បានកត់សម្គាល់ថា ប៉ាពួជាប្រទេសវ័យក្មេងដែលពោរពេញទៅដោយយុវជន ហើយត្រូវបានគេហៅឲ្យ «ប្រឈមមុខនឹងអនាគតដោយស្នាមញញឹមនៃក្តីសង្ឃឹម»។
សម្តេចប៉ាបបានមានបន្ទូលថា “សូមអរគុណចំពោះសេចក្តីរីករាយរបស់អ្នក និងចំពោះរបៀបដែលអ្នកបានចែករំលែកភាពស្រស់ស្អាតនៃប្រទេសប៉ាពួ ជាកន្លែងដែលមហាសមុទ្រជួបនឹងផ្ទៃមេឃ ជាកន្លែងដែលសុបិនកើតឡើង និងបញ្ហាប្រឈមនានាកើតឡើង ពួកគេគឺជា ជាក្តីសង្ឃឹមនៃអនាគត។
Daily Program
