សម្តេចប៉ាបប្រកាសបញ្ចេញកម្មវិធីអប់រំជំនឿថ្មី

នៅពេលដែលសម្តេចប៉ាបហ្រ្វង់ស៊ីស្កូបានយាងជាអធិបតីនៃកម្មវិធីអប់រំជំនឿប្រចាំសប្តាហ៍កា​លពីថ្ងៃពុធកន្លងទៅនេះ វ៉ាទីកង់ញូវ បានរាយការណ៍ថា ទ្រង់បានប្រកាសនូវកម្មវិធីថ្មីនៃការអប់រំជំនឿរបស់ទ្រង់។

សម្តេចប៉ាប បានចាប់ផ្តើមវដ្តថ្មីមួយនៃកម្មវិធីអប់រំជំនឿ ដោយចាប់ផ្តើមការបង្រៀនជាបន្តប​ន្ទាប់ស្តីពី «ព្រះវិញ្ញាណ និងទំនាក់ទំនងជីវិតសង្គម​សម្រាប់ជាមាគ៌ាដឹកនាំប្រជារាស្រ្តរបស់ព្រះជាម្ចាស់ឆ្ពោះទៅរកព្រះយេស៊ូ និងសេចក្តីសង្ឃឹម»។

សម្តេចប៉ាប​បាន​មានបន្ទូល​ថា ៖ «យើង​នឹង​ធ្វើ​ដំណើរ​ ជាដំណាក់កាល​ដ៏​អស្ចារ្យ​ដើម្បីឆ្លងកាត់ ប្រវត្តិ​នៃ​ការ​សង្គ្រោះតាមរយៈព្រះគម្ពីរចាស់ ព្រះគម្ពីរ​ថ្មី ​ទៅតាមពេល​វេលាវិវត្តន៍ទៅនៃព្រះស​ហគមន៍»។

នាឱកាសនោះ សម្តេចប៉ាបបានមានបន្ទូលផងដែរអំពី ទំនាក់ទំនងរវាងព្រះវិញ្ញាណ និងការបង្កើតបាននូវអំពើបាប ជាពិសេសគឺអំពើពុករលួយរបស់មនុស្សជាតិ ដែលជាប្រភពនៃបញ្ហាសង្គម និង​នយោបាយ៕