សម្តេចប៉ាបបានប្រកាសថា កុមារ និងគ្រួសារជាជនរងគ្រោះដំបូងនៃសង្រ្គាម

មានបន្ទូលក្រោយ ​ការ​វាយ​ប្រហារ​របស់​អ៊ីស្រាអែល​ថ្មីៗ​នេះ​នៅ​តំបន់​ហ្គាហ្សា និង​លីបង់ សម្តេច​ប៉ាប ហ្វ្រង់ស៊ីស្កូ បានបញ្ជាក់ជាថ្មីថា«គ្មាន​នរណា​ឈ្នះ​ក្នុង​សង្គ្រាម​ទេ។ គ្រប់​គ្នា​ចាញ់»។

វ៉ាទីកង់ញូវបានរំលេចថា នៅគ្រានោះសម្តេចប៉ាបបានបន្តរំលឹកអំពីជីវិត មនុស្ស ១៥០ នាក់ដែលត្រូវបានសម្លាប់នៅក្នុងការវាយប្រហារតាមអាកាសលើតំបន់លំនៅដ្ឋានមួយក្នុងតំបន់ហ្គាហ្សា។

មានបន្ទូលទៅកាន់មនុស្សរាប់ពាន់នាក់នៅទីលានសន្តសិលា សម្តេចប៉ាបបានរំលេចនូវអំពើហិង្សានិងជនរងគ្រោះ ដោយសារសង្រ្គាមនៅអ៊ុយក្រែន ប៉ាឡេស្ទីន អ៊ីស្រាអែល មីយ៉ាន់ម៉ា និងប្រទេសជាច្រើននៅក្នុងសង្រ្គាម។

សម្តេចប៉ាប​បាន​បញ្ជាក់​ជា​ថ្មី​ថា គ្មាន​នរណា​ឈ្នះ​ដោយ​សង្គ្រាម​ទេ ហើយ​ថា «សន្តិភាព​ជា​អំណោយ​មក​ពី​ព្រះវិញ្ញាណ​បរិសុទ្ធ» ។

សម្តេចប៉ាប ហ្វ្រង់ស៊ីស មានបន្ទូល ថា ៖ «កាលពីម្សិលមិញ ខ្ញុំបានឃើញមនុស្សស្លូតត្រង់ចំនួន ១៥០ នាក់ត្រូវបានបាញ់សម្លាប់​​ តើកុមារ និងក្រុមគ្រួសាររបស់ពួកគេទៅពាក់ព័ន្ធនឹងអ្វីនៅក្នុង សង្រ្គាម?» គាត់បានសួរថា «ពួកគេគឺជាជនរងគ្រោះ»៕