សម្តេចប៉ាប ហ្រ្វង់ស៊ីស្កូ បានបន្តការអំពាវនាវរបស់ទ្រង់សម្រាប់បទឈប់បាញ់នៅមជ្ឈិមបូព៌ា ហើយបានព្រមានប្រឆាំងនឹងការរីករាលដាលទៅជាសង្រ្គាមកាន់តែធំ ។
មានបន្ទូលទៅកាន់គ្រិស្តបរិស័ទនៅទីលានសន្តសិលា ព្រះវរបិតាបរិសុទ្ធបានបង្វែរការយកចិត្តទុកដាក់របស់ទ្រង់ចំពោះសង្រ្គាមនៅក្នុងដែនដីវិសុទ្ធ។
សម្តេចប៉ាបបានបន្តថា នៅពេលនេះជិតដល់ខួបមួយឆ្នាំនៃការ វាយប្រហារភេរវកម្មប្រឆាំងនឹងប្រជាជនក្នុងប្រទេសអ៊ីស្រាអែលដូច្នេះសូមយើងកុំភ្លេចថានៅមានចំណាប់ខ្មាំងជាច្រើននៅហ្កាហ្សា ដែលទួលបង្គំជាខ្ញុំសូមអំពាវនាវឲ្យដោះលែងពួកគេជាបន្ទាន់។
សម្តេចប៉ាបបានមានបន្ទូលថា មជ្ឈិមបូព៌ាបានធ្លាក់ចូលទៅក្នុងការរងទុក្ខវេទនាកាន់តែខ្លាំងឡើងចាប់តាំងពីពេលនោះមក ជាមួយនឹងសកម្មភាពយោធាបំផ្លិចបំផ្លាញ ដែលបន្តប៉ះពាល់ដល់ប្រជាជនប៉ាឡេស្ទីន។
សម្តេចប៉ាបបានបន្តថា ទូលបង្គំជាខ្ញុំសូមអំពាវនាវដល់សហគមន៍អន្តរជាតិឲ្យបញ្ចប់ការសងសឹក និងបញ្ឈប់ការវាយប្រហារទៀតដូចជាការធ្វើឡើងដោយអ៊ីរ៉ង់ប៉ុន្មានថ្ងៃមុន ដែលអាចឲ្យសង្គ្រាមរីកកាន់តែធំ។
សម្តេចប៉ាបបានមានបន្ទួល ថា ប្រជាជាតិទាំងអស់មានសិទ្ធិរស់នៅក្នុងសន្តិភាព និងសន្តិសុខ ហើយទឹកដីរបស់ពួកគេមិនត្រូវរងការវាយប្រហារ ឬឈ្លានពានឡើយ អធិបតេយ្យភាពត្រូវតែត្រូវបានគោរព និងធានាដោយការសន្ទនា និងសន្តិភាព មិនមែនការស្អប់ខ្ពើម និងសង្រ្គាមទេ៕
Daily Program
