សម្តេចប៉ាបហ្រ្វង់ស៊ីស្កូ កាលពីថ្ងៃទី ១៦ ខែមេសា ឆ្នាំ២០២៥ បានបន្តយកចិត្តទុកដាក់ចំពោះការចូលរួមកម្មវិធីអប់រជំនឿប្រចាំសប្តាហ៍តាមរយៈសំណៅឯកសារដែលផ្សព្វផ្សាយដោយការិយាល័យព័ត៌មានរបស់សន្តអាសនៈ។
តាមរយៈឯកសារដែលសម្តេចប៉ាបបានផ្សព្វផ្សាយទ្រង់បានមានបន្ទូលថា «យើងអាចមានសេចក្ដីសង្ឃឹម ដោយសារយើងដឹងថា ព្រះបិតាកំពុងរង់ចាំយើង»។
តាមរយៈឯកសារនោះ សម្តេចប៉ាបបានឆ្លុះបញ្ចាំងពីរឿងទេវកថាគ្រីស្តសាសនាមួយ ដោយបង្ហាញពីមេត្តាករុណាគ្មានព្រំដែនរបស់ព្រះជាម្ចាស់។
សម្តេចប៉ាប ក៏បានគូសបញ្ជាក់ និង ផ្តល់នូវសារនៃក្តីសង្ឃឹមថា «មិនថាយើងវង្វេងដោយរបៀបណា ឬនៅទីណាទេ ព្រះជាម្ចាស់តែងតែយាងមករកយើងជានិច្ច! មិនថាយើងវង្វេងដោយរបៀបណា ឬទៅណាទេ ព្រះជាម្ចាស់ទ្រង់តែងតែគង់នៅជាមួយយើងជានិច្ច!»។
សម្តេចប៉ាបបានមានបន្ទូលទៀតថា ប្រហែលជាយើងបានវង្វេងដូចជាចៀមដែលដើរចេញពីផ្លូវទៅស៊ីស្មៅហើយធ្លាក់នៅក្នុងគ្រោះនៃសេចក្តីហត់នឿយ ប៉ុន្តែវាមិនបានរារាំង ព្រះជាម្ចាស់ដែលស្វែងរកយើងនោះទេ។
បទពិសោធនៃកំហុសរបស់យើងបែបនេះ សម្តេចប៉ាបទទួលស្គាល់ថា ជារឿយៗ "បង្កើតឱ្យមានជំនឿខុសឆ្គងនៅក្នុងខ្លួនយើង»៕
Daily Program
