សម្តេចប៉ាបហ្រ្វង់ស៊ីស្កូបានបញ្ចេញនូវទស្សនៈរបស់ទ្រង់ប្រឆាំងនឹងការកេងប្រវ័ញ្ញលើធនធាននៅមហាសមុទ្រគ្រប់គម្រង់។
វ៉ាទីកង់ញូវបានរាយការណ៍ថា ការបង្ហាញទស្សនៈរបស់ទ្រង់គឺបញ្ជាក់នៅក្នុងសារមួយដែលទ្រង់បានផ្ញើទៅកាន់ឯកអគ្គរដ្ឋទូតកូស្តារីកាប្រចាំនៅសន្តអាសនៈ គឺ លោក ហ្វេដឺរីកូ ហ្សាមូរ៉ា ខដេរ៉ូ (Federico Zamora Cordero ) ខណៈដែលប្រទេសនេះកំពុងតែធ្វើជាម្ចាស់ផ្ទះនៃ «ព្រឹត្តិការណ៍កម្រិតខ្ពស់នៅលើសកម្មភាពមហាសមុទ្រ»។
នៅក្នុងសារនោះសម្តេចប៉ាប បានសង្កត់ធ្ងន់លើ សារៈសំខាន់ជានិមិត្តរូបនៃធនធានធម្មជាតិនៅក្នុងមហាសមុទ្រ និងតួនាទីដ៏សំខាន់របស់វានៅក្នុងជីវិតមនុស្ស និងវឌ្ឍនភាពសង្គមមនុស្សនៅពេលអនាគត។
សម្តេចប៉ាបបានមានប្រសាសន៍ដោយគូសបញ្ជាក់ពីទំនាក់ទំនងយ៉ាងស៊ីជម្រៅរវាងអរិយធម៌មនុស្សនិងមហាសមុទ្រ ប៉ុន្តែមនុស្សជាតិខ្លះបានទាញយកអំណោយដ៏មានតម្លៃនេះលើសលុប។
សម្តេចប៉ាបបានមានបន្ទូលថា វាជារឿងគួរឱ្យសោកស្តាយដែល យើងបានបំភ្លៃ ហើយបង្វែរអ្វីដែលមានប្រយោជន៍ ដូចជាទឹក ទៅជាកម្មវត្ថុនៃការកេងប្រវ័ញ្ច។
សម្តេចប៉ាបបានមានបន្ទូលថា ទឹកជាអំណោយទានរបស់ព្រះជាម្ចាស់ដ៏ មានតម្លៃ តែយើងប្រែក្លាយវាទៅជារូបិយប័ណ្ណ ហើយទាញប្រយោជន៍ដ៏លើសលុយ។
សម្តេចប៉ាប ហ្វ្រង់ស៊ីស បានព្រមានថា មនុស្សជាតិកំពុងតែបំផ្លាញភាពបរិសុទ្ធ នៃផ្ទៃមហាសមុទ្រដោយ អាត្មានិយម និងការធ្វេសប្រហែសពីបរិស្ថាន៕
Daily Program
