តាមសំណើរបស់សម្តេចប៉ាប ហ្វ្រង់ស៊ីស្កូ ឥឡូវនេះ បុរីវ៉ាទីកង់នឹងផ្តល់ប្រាក់រង្វាន់ប្រចាំខែចំនួន ៣00 អឺរ៉ូ ក្នុងមួយគ្រួសារដល់បុគ្គលិកដែលកំពុងតែបម្រើការនៅបុរីវ៉ាទីកង់ ដែលមានកូន ៣ នាក់ឡើង។
ទីភ្នាក់ងារព័ត៌មានកាតូលិកបានរាយការណ៍ថា នេះគឺជាការលើកទឹកចិត្តមួយរបស់សន្តអាសនៈជាពិសេសគឺសម្តេចប៉ាប ដើម្បីលើកទឹកចិត្តឲ្យមនុស្សជាតិ ជាពិសេសពលរដ្ឋនៅក្នុងវ៉ាទីកង់មានកូនឲ្យបានច្រើន។
អភិបាលទីក្រុងវ៉ាទីកង់បានប្រកាសកាលពីថ្ងៃទី១៥ ខែមករាថា នេះគឺជាគំនិតផ្តួចផ្តើមផ្ទាល់របស់សម្តេចប៉ាបហើយទ្រង់នឹងគាំទ្រឲ្យពលរដ្ឋពង្រីកសមាជិកគ្រួសារតាមរយៈការផ្តល់ជំនួយហិរញ្ញវត្ថុដល់ពួកគេ។
តាមគំនិតផ្តួចផ្តើមនេះ កុមារដែលជាកូនរបស់បុគ្គលិកនៅវ៉ាទីកង់នឹងទទួលបានប្រាក់ឧបត្ថម្ភចាប់ពីកើតរហូតដល់អាយុ១៨ ឆ្នាំ ហើយនៅក្នុងករណីពួកគេបន្តការសិក្សានៅសាកលវិទ្យាល័យ ពួកគេអាចនឹងត្រូវបន្តទទួលការឧបត្ថម្ភតាមគោលនយោបាយនេះដល់អាយ ២៤ ឆ្នាំ៕
Daily Program
