សម្តេចប៉ាបទំនាក់ទំនងតាមប្រព័ន្ធបណ្តញសង្គមទៅព្រះសហគមន៍កាតូលិកនៅហ្គាហ្សា

វ៉ាទីកង់ញូវបានរាយការណ៍នៅថ្ងៃទី ២៣ ខែមករា ឆ្នាំ២០២៥ថា ថ្មីៗនេះសម្តេចប៉ាបហ្រ្វង់ស៊ីស្កូបានប្រើប្រាស់ បណ្តាញសង្គម WhatsApp ទំនាក់ទំនងដោយផ្ទាល់ទៅកាន់ព្រះសហគមន៍នៅហ្គាហ្សា ។

ប្រភពដដែលបានបន្តថា ទ្រង់បាននិយាយជាមួយនឹងគ្រីស្តបរិស័ទនៅហ្គាហ្សាតាមរយៈប្រព័ន្ធ WhatsApp របស់លោកបូជាចារ្យ ហ្គាព្រីអែល រ៉ូម៉ាណេលី (Gabriele Romanelli ) ដែលជាអ្នកទទួលខុសត្រូវព្រះសហគមន៍កាតូលិកនៃព្រះសហគមន៍គ្រួសារពិសិដ្ឋនៅហ្គាហ្សា និង លោកបូជាចារ្យ យូសូហ្វ អាសាដ ( Yusuf Asad )ជំនួយការនៅព្រះសហគមន៍នោះ ។

នៅក្នុងអំឡុងពេលសន្ទនានោះ សម្តេចប៉ាបបានមានបន្ទូលថា ទ្រង់បានអធិដ្ឋានជាប្រចាំសម្រាប់លោកបូជាចារ្យនិងគ្រីស្តបរិស័ទទាំងអស់នៅទីនោះ ។

ប្រភពដដែលបានបន្តថា ព្រះវិហារនៃព្រះសហគមន៍នេះសព្វថ្ងៃត្រូវបានគេដឹងថា គឺជាទីជម្រករបស់មនុស្សប្រមាណជា ជាង ៦០០ នាក់ ហើយពួកគេគឺមានទាំងគ្រិស្តបរិស័ទ និង មូស្លីម ។

នាឱកាសនោះសម្តេចប៉ាបបានសួរសុខទុក្ខពួកគេ ដូចជា "សុខសប្បាយជាទេ?” "តើអ្នកបានញ៉ាំអ្វី?" ។

នៅពេលដែលសម្តេចប៉ាបទំនាក់ទំនងទៅនោះ គឺព្រះសហគមន៍នៅទីនោះកំពុងតែរៀបចំអាហារពេលល្ងាយដោយមានស្លាបមាន និង សាច់មាន់បំពង ។