សម្តេចប៉ាបទទួលគណៈប្រតិភូនៃគ្រួសារ អាប្រាហាំ នៅបុរីវ៉ាទីកង់​

សម្តេចប៉ាបហ្រ្វង់ស៊ីស្កូ បានស្វាគមន៍គណៈប្រតិភូនៃផ្ទះគ្រួសារ អាប្រាហាំ ( Abrahamic Family House) នៅបុរីវ៉ាទីកង់កាលពីថ្ងៃចន្ទ ហើយបានលើកទឹកចិត្តពួកគេឲ្យធ្វើដំណើររួមគ្នានៅក្នុងដំណើរប្រកបដោយភាតរភាពរបស់មនុស្សជាតិ។​

ក្នុងអំឡុងពេលស្វាគមន៍គណប្រតិភូនេះ សម្តេចប៉ាប  បានថ្លែងអំណរគុណដល់គណៈប្រតិភូ ដែលដឹកនាំដោយលោក មូហាមេដ ខាលីហ្វា អាល់ មូប៉ារ៉ាក់ ( Mohamed Khalifa Al Mubarak) ប្រធានគណប្រតិភូ សម្រាប់កិច្ចខិតខំប្រឹងប្រែងរបស់ពួកគេក្នុងការសម្រេចបាននូវកិច្ចខិតខំប្រឹងប្រែងដើម្បីភាតរភាពរបស់មនុស្សជាតិ។ 

Abrahamic Family House ជានិវេសនដ្ឋាននៃអន្តរជំនឿមួយ ដែលបានរៀបចំឡើង បន្ទាប់ពីដំណើរទស្សនកិច្ចជាប្រវត្តិសាស្ត្ររបស់សម្តេចប៉ាបទៅកាន់ សហភាពអារ៉ាប់រួម ក្នុងខែកុម្ភៈ ឆ្នាំ២០១៩  ដែលបានធ្វើឱ្យទ្រង់ក្លាយជាសម្តេចប៉ាបដំបូងគេដែលបានយាងទៅបំពេញទស្សនៈកិច្ចនៅឧបទ្វីបអារ៉ាប់ ហើ​យក៏ជាដំណើរបង្កប់នូវគោលការណ៍ដែលមានចែងនៅក្នុងឯកសារស្តីពីភាតរភាពរបស់មនុស្សជាតិ។

Abrahamic Family House មានទីតាំងនៅស្រុក Saadiyat ក្នុងទីក្រុង អាប៊ូ ដាប៊ី (Abu Dhabi)។  អគានេះ គឺជាមជ្ឈមណ្ឌលសម្រាប់ការរៀនសូត្រ ការសន្ទនា និងជំនឿ។​

អគារអន្តរជំនឿនេះ ចាប់តាំងពីការបើកដំណើរការនៅឆ្នាំ ២០២៣ ហើយបានស្វាគមន៍អ្នកថ្វាយបង្គំចំនួន ១៣០.០០០ នាក់សម្រាប់សេវាកម្ម និងការអធិស្ឋាន ហើយបានរៀបចំព្រឹត្តិការណ៍ច្រើនជាង ១០០តាមប្រតិទិនរបស់ព្រះសហគមន៍កាតូលិក មូស្លីម ក៏ដូចជាពិធីអាពាហ៍ពិពាហ៍ និងពិធីបុណ្យតាមជំនឿផ្សេងៗ៕​