សម្តេចប៉ាបចូលរួមកាន់ទុក្ខអតីតប្រធានាធិបតីវៀតណាម
![](/sites/default/files/styles/max_width_770px/public/2024-07/btmaanqntrjaati1_34.jpg?itok=1juQeiEw)
សម្តេចប៉ាបហ្រ្វង់ស៊ីស្កូបានផ្ញើសាររំលែកទុក្ខ និងអធិដ្ឋានជូន ចំពោះមរណភាពរបស់អតីតប្រធានាធិបតី វៀតណាម គឺលោក ឃ្វៀន ភូជុង ដែលបច្ចុប្បន្នជា អគ្គលេខាធិការបក្សកុម្មុយនិស្តវៀតណាម។
វ៉ាទីកង់ញូវបានរាយការណ៍ថា សម្តេចប៉ាបបានចូលរួមសម្តែងនូវមរណទុក្ខចំពោះមរណភាពរបស់លោក ជុង តាមសារតេឡេក្រាមដែលបានផ្ញើដោយ លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីនៃសន្តអាសនៈ ជូនទៅប្រធានាធិបតីបច្ចុប្បន្នរបស់ប្រទេសនេះ។
នៅក្នុងសារលិខិតនោះ សម្រេចប៉ាប បានសម្តែងភាពស្និទ្ធស្នាលរបស់ទ្រង់ចំពោះអស់អ្នកដែលកាន់ទុក្ខមេដឹកនាំប្រទេសនៅវៀតណាម ក្រោយពេលដែលបានស្លាប់នៅអាយុ ៨០ ឆ្នាំកាលពីសប្តាហ៍មុន បន្ទាប់ពីបានតស៊ូ នឹងជំងឺមួយរយៈ។
សម្តេចប៉ាបក៏បានចូលរួមរំលែកទុក្ខជូនចំពោះគ្រួសារលោក ជុង ខណៈដែលលោក គឺជាមេដឹកនាំវៀតណាម ដែលគាំទ្រ ជំរុញការអភិវឌ្ឍជាវិជ្ជមាននៃទំនាក់ទំនងរវាងវៀតណាម និងសន្តអាសនៈ៕
Daily Program
![Livesteam thumbnail](/sites/default/files/inline-images/live-stream-thumb.jpg)