សន្តអាសនៈ​ប្រកាស​អំពីករណីអបិយជំនឿមួយនៅប្រទេសអ៊ីតាលី

វ៉ាទីកង់ញូវបានរាយការណ៍ថា ក្រសួងគ្រប់គ្រងគោលលទ្ធិនៃជំនឿបានសម្រេចលើសេចក្តីសម្រេចចិត្តមួយ គាំទ្រទស្សនវិនិច្ឆ័យរបស់ក្រុមប្រឹក្សាលោកអភិបាលព្រះសហគមន៍កាតូលិកអ៊ីតាលីទាក់ទងនឹងករណីអបិយជំនឿមួយ​នៅក្នុងប្រទេសនេះ ។

ប្រភពដដែលបានអះអាងថា ក្រសួងគ្រប់គ្រងគោលលទ្ធិនៃជំនឿនៃសន្តអាសនៈបានចេញ​សេចក្តីប្រកាសមួយ ទាក់ទងនឹងសុពលភាពយុត្តាធិការ នៃក្រឹត្យមួយដែលចេញដោយលោក​ម៉ាកូ សាលវី ( Marco Salvi ) អភិបាលនៃព្រះសហគមន៍ ស៊ីវីតា កាស្តេឡាណូ ( Civita Castellano) នៅ ប្រទេសអ៊ីតាលី ដែលបដិសេធនូវទស្សនៈអរូបីដែលលើកឡើងដោយលោស្រី ជីសេឡា ខាឌៀ ( Gisella Cardia )និងស្វាមីរបស់លោកស្រី ។

ករណីនេះត្រូវបានផ្សព្វផ្សាយតាំងតែពីឆ្នាំ២០១៦ នៅពេលដែលលោកស្រី ជីសេឡា បានអះអា​ងថា ព្រះនាងព្រហ្មចារិនី ម៉ារី បាន​បង្ហាញខ្លួននៅចំពោះមុខនាង នៅក្នុងចម្ការដែលលោកស្រីបានអធិដ្ឋានអស់រយៈពេលរាប់ឆ្នាំ។

លោកស្រីក៏បានអះអាងថា លោកស្រីបានប្រាស្រ័យទាក់ទងនឹងព្រះនាងម៉ារី  ហើយករណីនេះក៏បានល្បីសុះសាយ រហូតដល់អាជ្ញាធរមូលដ្ឋានបើកការស៊ើបអង្កេត ពីបទក្លែងបន្លំ ដើម្បីហេតុផលអ្វីមួយ៕