អ្នកសង្កេតការណ៍អចិន្ត្រៃយ៍របស់សន្តអាសនៈប្រចាំអង្គការសហប្រជាជាតិ លោកអគ្គអភិបាល ហ្គាព្រីអែល កាហ្សា ( Gabriele Caccia)បានព្រមានថា ការពន្លឿនការប្រណាំងប្រជែងជាសាកលអំពីយោធាគឺនៅតែ បង្កគ្រោះថ្នាក់ដល់សន្តិភាព និងធ្វើឱ្យខូចដល់មូលដ្ឋានគ្រឹះនៃកិច្ចសហប្រតិបត្តិការអន្តរជាតិ។
ថ្លែងសុន្ទរកថាក្នុងកិច្ចពិភាក្សា នៃគណៈកម្មាធិការទីមួយនៃសម័យប្រជុំលើកទី៨០ នៃមហាសន្និបាតអង្គការសហប្រជាជាតិនៅទីក្រុងញូវយ៉ក លោកអគ្គអភិបាលបានជំរុញឱ្យមេដឹកនាំពិភពលោកប្តេជ្ញាចិត្តឡើងវិញចំពោះការរំសាយអាវុធ និងធ្វើឱ្យកិច្ចសន្ទនាពហុភាគីឡើងវិញក្នុងគោលបំណងការពារអនាគតរបស់មនុស្សជាតិ។
លោកអគ្គអភិបាលបាននិយាយថា ស្មារតីនៃការទូត និងពហុភាគីនិយម ដែលធ្លាប់បានព្យាយាមការពារមនុស្សជាតិពីគ្រោះមហន្តរាយនៃសង្រ្គាម កំពុងត្រូវបានគ្របដណ្ដប់ដោយ ការងើបឡើងវិញដ៏គ្រោះថ្នាក់នៃកម្លាំង និងការភ័យខ្លាចជាមធ្យោបាយដោះស្រាយជម្លោះ។
លោកបានសោកស្ដាយថា ការលុបបំបាត់ការទុកចិត្តនិងការសន្ទនានេះកំពុងធ្វើឲ្យកិច្ចសហប្រតិបត្តិការចុះខ្សោយ បំផ្លាញសេដ្ឋកិច្ច និងធ្វើឲ្យការរងទុក្ខរបស់សហគមន៍ងាយរងគ្រោះនៅជុំវិញពិភពលោកកាន់តែធ្ងន់ធ្ងរ៕
Daily Program
