លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីនៃសន្តអាសនៈនៅក្នុងនាមសម្តេចប៉ាបហ្រ្វង់ស៊ីស្កូបានផ្ញើសារទូរលេខមួយ ចូលរួមរំលែកទុក្ខនិងអធិដ្ឋានជូនដល់ជនរងគ្រោះនិងសាច់ញាតិនៅក្នុងករណីគ្រោះអគ្គីភ័យមួយដែលបានកើតមានឡើងនៅក្លឹបរាត្រីមួយកន្លែងនៅប្រទេសម៉ាសេដូនៀរ។
វ៉់ាទីកង់ញូវបានរាយការណ៍ថា នៅក្នុងសាលិខិតនោះ សន្តអាសនៈ បង្ហាញពីការយកចិត្តទុកដាក់របស់សម្តេចប៉ាប ចំពោះគ្រួសារដែលបានបាត់បង់មនុស្សជាទីស្រលាញ់របស់ពួកគេ។
ហេតុការណ៍ដ៏រន្ធត់នេះ គឺបានកើតមាននៅក្នុងទីក្រុង កូកានី (Kocani) នៅប្រទេសម៉ាសេដូនៀ ដោយបានសម្លាប់ជីវិតមនុស្សសរុប៥៩នាក់ និងរបួស១៥៥ នាក់ ដោយនៅក្នុងនោះភាគច្រើនគឺសុទ្ធតែយុវជន។
គ្រោះអគ្គីភ័យនេះបានឆាបឆេះនៅម៉ោង៣ទៀបភ្លឺក្នុងអំឡុងពេលការប្រគុំតន្ត្រីមួយដែលមានមនុស្សចូលរួមចំនួន១.៥០០នាក់នៅក្លិបរាត្រីមួយដ៏ធំ។ អគ្គីភ័យទំនងជាបង្កឡើងដោយកាំជ្រួចដែលឆេះលើឆាក។ អ្នករៀបចំព្រឹត្តិការណ៍ និងម្ចាស់ទីតាំងត្រូវបានចាប់ខ្លួន។ ជនរងគ្រោះភាគច្រើនមានអាយុចន្លោះពី ១៤ ទៅ ២៧ឆ្នាំ។ រដ្ឋាភិបាលម៉ាសេដូនៀបានសន្យាថានឹងខិតខំអស់ពីសមត្ថភាពកំណត់មូលហេតុនៃសោកនាដកម្មនេះ៕
Daily Program
