តើនេះគឺជាការឆ្ពោះទៅរកជំនួបរវាងឥស្សរជនបីនាក់ លោកដូណាល់ ត្រាំ លោកវ៉្លាឌីមៀ ពូទីន និងលោកវ៉ូឡូឌីមៀ ហ្ស៉េឡេនស្គីឬ?
កាលពីថ្ងៃចន្ទ ទី២០ តុលា ប្រធានាធិបតីអ៊ុយក្រែនបានអះអាងថា ត្រៀមខ្លួននឹងចូលរួមជំនួបដែលគ្រោងធ្វើនៅពេលខាងមុខនៅទីក្រុងប៊ូដាប៉េស ប្រទេសហុងគ្រី ជាមួយសមភាគីអាម៉េរិក និងរុស្ស៊ី ប្រសិនបើលោកត្រូវបានអញ្ជើញនៅក្នុងន័យនេះ។
លោកដូណាល់ ត្រាំ និងលោកវ្ល៉ាឌីមៀ ពូទីនត្រូវស្វែងរកជួបគ្នានៅក្នុងរដ្ឋធានីនៃប្រទេសហុងគ្រីសម្រាប់កិច្ចប្រជុំកំពូលលើកទី២ ដែលសំដៅស្វែងរកដំណោះស្រាយសម្រាប់សង្រ្គាមនៅអ៊ុយក្រែន។
លោកវ៉ូឡូឌីមៀ ហ្ស៉េឡេនស្គីក៏បានធ្វើដំណើរទៅកាន់ទីក្រុងវ៉ាស៊ីនតុនកាលពីចុងសប្តាហ៍ ប៉ុន្តែនៅអំឡុងទស្សនកិច្ចនេះ លោកបានបរាជ័យនឹងបញ្ចុះបញ្ចូលប្រធានាធិបតីអាម៉េរិកបញ្ជូនមីស៊ីល តូម៉ាហក មកឲ្យទីក្រុងគៀវ។
នៅក្នុងអំឡុងសន្និសីទកាសែតមួយ លោកវ៉ូឡូឌីមៀ ហ្ស៉េឡេនស្គី បានថ្លែងថា ៖ “ប្រសិនបើលោកត្រូវបានអញ្ជើញទៅកាន់ទីក្រុងប៊ូដាប៉េស វាគឺជាការអញ្ជើញនៅក្រោមទម្រង់នៃជំនួបឥស្សរជនបីនាក់ ឬដូចដែលគេហៅថា ជាការទូតត្រាច់ចរ ដែលប្រធានាធិបតីត្រាំ ជួបលោកពូទីន ឬដែលលោកប្រធានាធិបតីត្រាំជួបលោក ហើយនៅក្រោមទម្រង់មួយ ឬដទៃៗ គេនឹងអាចព្រមព្រៀងគ្នា។”
ប៉ុន្តែលោកវ៉ូឡូឌីមៀ ហ្ស៉េឡេនស្គី ក៏បានវាយតម្លៃថា ទីក្រុងប៊ូដាប៉េសមិនមែនជាកន្លែងដ៏ប្រសើរសម្រាប់ជំនួបនោះទេ។
អ្នកជិតដិតរបស់លោកដូណាល់ ត្រាំ នៅក្នុងសហភាពអឺរ៉ុប នាយករដ្ឋមន្រ្តីហុងគ្រី វីកទ័រ អ័របាន នៅតែស្ថិតនៅស្រុះស្រួលជាមួយលោកវ្ល៉ាឌីមៀ ពូទីន ទោះបីរុស្ស៊ីឈ្លានពានអ៊ុយក្រែន ហើយបានបង្ហាញឲ្យឃើញនូវការផ្ទុយគ្នា និងរិះគន់ខ្លាំងចំពោះលោកវ៉ូឡូឌីមៀ ហ្ស៉េឡេនស្គី។
បើតាមលោកវ៉ូឡូឌីមៀ ហ្ស៉េឡេនស្គី លក្ខខណ្ឌរុស្ស៊ីសម្រាប់ឈានទៅរកសន្តិភាពស្ថិតនៅមិនប្រែប្រួលជាមួយនឹងការដកទ័ពអ៊ុយក្រែនចេញទាំងស្រុងពីតំបន់ដុនបាស តំបន់ឧស្សាហកម្ម នៅភាគខាងកើតប្រទេសអ៊ុយក្រែនដែលទីក្រុងមូស្គូបានភ្ជាប់ជាឧបសម្ព័ន្ធ។ លោកបានបញ្ជាក់ថា លោកបានពន្យល់ទៅកាន់គូសន្ទនាអាម៉េរិករបស់លោកនៅអំឡុងដំណើរទស្សនកិច្ចរបស់លោកនៅទីក្រុងវ៉ាស៊ីនតុនថា ជំហររបស់អ៊ុយក្រែនក៏មិនបានផ្លាស់ប្តូរដែរ។ នេះមានន័យថា យើងទាត់ចោលនូវលក្ខខណ្ឌរបស់រុស្ស៊ី។ លោកទទូចថា យើងនឹងមិនផ្តល់ជ័យជម្នះទៅឲ្យរុស្ស៊ីទេ។
ម្យ៉ាងវិញទៀត លោកវ៉ូឡូឌីមៀ ហ្ស៉េឡេនស្គី បានរៀបរាប់ថា ប្រទេសរបស់លោកត្រូវការប្រព័ន្ធការពារអាកាសអាម៉េរិក ប៉ាទ្រីយ៉ូត (Patriot) ចំនួន ២៥ឈុត បន្ថែម ជាអាវុធទំនើប និងថ្លៃ ដើម្បីប្រឈមនឹងការវាយប្រហារពីមីស៊ីលរុស្ស៊ី។
រីឯសហរដ្ឋអាម៉េរិកនឹងមិនផ្តល់ឲ្យអ៊ុយក្រែនទៀតទេ លើកលែងតែសព្វាវុធត្រូវបានបង់ថ្លៃដោយសហភាពអឺរ៉ុប។ លោកវ៉ូឡូឌីមៀ ហ្ស៉េឡេនស្គី បានថ្លែងថា ទឹកប្រាក់សម្រាប់ប្រព័ន្ធប៉ាទ្រីយ៉ូតទាំងនេះ ត្រូវតែយកមកពីការប្រើប្រាស់ទ្រព្យសម្បត្តិបង្កករបស់រុស្ស៊ី”។
នៅអំឡុងដំណើរទស្សនកិច្ចរបស់លោកនៅទីក្រុងវ៉ាស៊ីនតុន ប្រធានាធិបតីអ៊ុយក្រែន មិនបានឈានទៅដល់ការបញ្ចុះបញ្ចូលលោកដូណាល់ ត្រាំ ឲ្យផ្តល់ឲ្យអ៊ុយក្រែននូវមីស៊ីលបណ្តែតរបស់អាម៉េរិក តូម៉ាហកនោះដែរ។ លោកវ៉ូឡូឌីមៀ ហ្ស៉េឡេនស្គី វិនិច្ឆ័យថា សម្រាប់គំនិតរបស់លោក លោកមិនប្រាថ្នានូវសង្រ្គាមកាន់តែខ្លាំងជាមួយរុស្ស៊ីនោះទេមុនពេលលោកអាចជួបលោកទាំងពីរ នៅទីក្រុងប៊ូដាប៉េស។”
Daily Program
