លោកបូជាចារ្យម្នាក់៖ បេះដូងមនុស្សគ្រប់រូបតែងតែរិះគិតអំពីសន្តិភាព

លោក សេបាស្យាណូ ដាមប្រា ( Sebastiano D'Ambra ) គឺជាលោកបូជាចារ្យហ្វីលីពីនម្នាក់ដែលបានទទួលបានពានរង្វាន់ "Bishop Jorge Barlin Golden Cross" ពីព្រះសហគមន៍កាតូលិកនៅប្រទេសហ្វីលីពីនសម្រាប់ការខិតខំប្រឹងប្រែងដ៏សំខាន់របស់គាត់ក្នុងការលើកកម្ពស់សន្តិភាព និងការសន្ទនារវាងគ្រីស្តបរិស័ទ និងអ៊ីស្លាមនៅមីនដាណាវ ។

វ៉ាទីកង់ញូវបានរាយការណ៍ថា លោក សេបាស្យាណូ ដាមប្រា បានអះអាងអំពីកិច្ចខិតខំប្រឹងប្រែ​ង លើកកម្ពស់សន្តិភាព និងការសន្ទនាថា គឺជាអ្វីដែលបានជំរុញឱ្យព្រះសហគមន៍កាតូលិកនៅប្រទេសហ្វីលីពីនផ្តល់ពានរង្វាន់នេះដល់គាត់។

ប្រភពដដែលបានបន្តថា ពានរង្វាន់ "Bishop Jorge Barlin Golden Cross" ត្រូវបានឧទ្ទិសដល់ការចងចាំរបស់បូជាចារ្យហ្វីលីពីនដំបូងគេដែលត្រូវបានតែងតាំងជាលោកអភិបាល​កាតូលិក នាក្នុងឆ្នាំ ១៩០៦។

ពិធី​ប្រគល់​រង្វាន់​នេះ​បាន​ធ្វើ​ឡើង​នៅ​ថ្ងៃ​ទី ៧ ខែ​កក្កដា ក្នុង​អំឡុង​ពេលហ្វីលីពីនរៀបចំ​​សន្និសីទសភាលោកអភិបាលហ្វីលីពីន។ ​

ក្រៅពីពានរង្វាន់នេះ លោកបូជាចារ្យក៏ បានទទួលពានរង្វាន់ "Don Santoro" ពីភូមិភាគនៃទីក្រុងរ៉ូមផងដែរកាលពីពេលថ្មីៗកន្លងទៅ។

លោកបូជារ្យ ជាអ្នកផ្សព្វផ្សាយសាសនានៅប្រទេសហ្វីលីពីនអស់រយៈពេលជាង ៤០ ឆ្នាំមកហើយបានប្រាប់យើងអំពីការងារប្រកាសដំណឹងល្អរបស់លោកនៅក្នុងប្រជុំកោះអាស៊ី និងលទ្ធផលដែលចលនា ដែលគេហៅជាភាសាហ្វីលីពីនថា  Silsilah បានទទួលជោគជ័យក្នុងការសម្រេចសន្តិសភាព។

លោកបានបន្តថា ការដែលលោកអាចធ្វើបានគឺលោកព្យាយាមស្វែងយល់អំពីសាសានា និង ព្យាយាមកសាងទំនាក់ទំនងល្អ និង ជំនឿទុកចិត្ត ស្មោះត្រង់ និង ច្បាស់លាស់ជាមួយបងប្អូន មូស្លីមទាំងអស់នៅហ្វីលីពីន៕