លោកខាងលិចដាក់សម្ពាធអោយក្រុមហាម៉ាសទទួលយកផែនការបទឈប់បាញ់នៅហ្គាហ្សា

ខណៈដែលចំនួនអ្នកស្លាប់នៅហ្គាហ្សាកើនឡើងដល់ ៣៦ ០០០ នាក់ លោកខាងលិចបានកំ​ពុងតែដាក់សំពាធឲ្យក្រុមហាម៉ាសទទួលយកផែនការបទឈប់បាញ់។​

អ្នកសម្រុះសម្រួលកាតាកាលពីថ្ងៃអង្គារបាននិយាយថាខ្លួនកំពុងរង់ចាំជំហរច្បាស់លាស់ពីអ៊ីស្រា​អែលស្តីពីបទឈប់បាញ់ដែលបានស្នើឡើងនិងកិច្ចព្រមព្រៀងដោះលែងអ្នកជាប់ឃុំ។

ប្រភពបានបញ្ជាក់ថា ខ្លួនបានផ្តល់សំណើរបស់អ៊ីស្រាអែលដល់ក្រុមហាម៉ាស ដែលឆ្លុះបញ្ចាំងពីជំហរដែលបានបញ្ជាក់ដោយប្រធានាធិបតីសហរដ្ឋអាមេរិកលោក ចូ បៃដិន កាលពីសប្តាហ៍មុន ដោយបន្ថែមថា ភាគីនានាបានកំពុងតែបង្ខិតបញ្ហាទៅជិតគ្នាហើយ។

លោក បៃដិន កាលពីពេលថ្មីៗកន្លងទៅបានដាក់ចេញនូវសំណើបទឈប់បាញ់បីដំណាក់កា​លពីអ៊ីស្រាអែលដល់ក្រុមអ៊ីស្លាមប៉ាឡេស្ទីន ហាម៉ាស ដើម្បីបញ្ចប់សង្រ្គាម។

ប៉ុន្តែទោះបីជាក្រុមហាម៉ាសបាននិយាយភ្លាមៗថា ទោះជាមានទស្សនវិជ្ជមានចំពោះខ្លឹមសារនៃកិច្ចព្រមព្រៀងក៏ដោយ ក៏មន្ត្រីជាន់ខ្ពស់ហាម៉ាស់បានរិះគន់ការអំពាវនាវរបស់ទីក្រុងវ៉ាស៊ីនតោន និងលោកខាងលិចឱ្យទទួលយកសំណើបទឈប់បាញ់ដែលត្រូវបានជំរុញដោយប្រធា​នាធិបតីសហរដ្ឋអាមេរិកដោយនិយាយថា វាគឺ "ដូចជាក្រុមហាម៉ាសគឺជាអ្នក រារាំងកិច្ចព្រមព្រៀង។

អ្នកនាំពាក្យក្រសួងការបរទេសកាតាបាននិយាយថា កិច្ចព្រមព្រៀងបទឈប់បាញ់គួរតែសម្រេ​ចឲ្យបានដើម្បីជា ការបញ្ចប់ការឈឺចាប់ដ៏យូររបស់ប្រជាជននៅហ្គាហ្សា ចំណាប់ខ្មាំង និងក្រុ​ម​គ្រួសាររបស់ពួកគេ ហើយផ្តល់ផែនទីបង្ហាញផ្លូវសម្រាប់បទឈប់បាញ់ជាអចិន្ត្រៃយ៍ និងការបញ្ចប់វិបត្តិ។

លោក​ថា អ្នក​សម្រុះសម្រួល​នៅ​តែ​រង់​ចាំ​ដើម្បី​ឈាន​ដល់​ភាសា​ដែល​បាន​ព្រមព្រៀង​ដោយ​ភាគី​ទាំង​ពីរ៕