យោធាប៉ូឡូញ ទទួលការហ្វឹកហ្វឺនប្រឆាំងយន្តហោះគ្មានមនុស្សបើកពីអ៊ុយក្រែន

បន្ទាប់ពីរងការរំលោភបំពានដែនអាកាសប៉ូឡូញ ដោយយន្តហោះគ្មានមនុស្សបើករបស់​រុស្ស៊ីចំនួន ១៩ គ្រឿងក្នុងសប្តាហ៍នេះ ប៉ូឡូញ និងអ៊ុយក្រែនកំពុងបង្កើនកិច្ចសហប្រតិបត្តិការយោធា។ នេះបើតាមវ៉ាទីកង់ញូវ។

ការវាយប្រហារបានបន្ត នាំឱ្យមានការអភិវឌ្ឍន៍ដ៏គួរឱ្យភ្ញាក់ផ្អើលមួយនៅអឺរ៉ុប ដែលពិពណ៌នាដោយលោកកាឌីណាល់ព្យែត្រូ ផារ៉ូលីន កាលពីថ្ងៃព្រហស្បតិ៍សប្តាហ៍មុន ថាជាហានិភ័យដ៏គួរឱ្យភ័យខ្លាចនៃសង្រ្គាមដ៏ធំទូលាយមួយ។

ចេញពីការបំពានដែនអាកាសនេះ ប៉ូឡូញបានប្រកាសថា យោធាប៉ូឡូញនឹងធ្វើដំណើរទៅកាន់អ៊ុយក្រែនដើម្បីចូលរួមក្នុងការហ្វឹកហ្វឺនប្រឆាំងយន្តហោះគ្មានមនុស្សបើក បន្ទាប់ពីកងទ័ពអាកាសប៉ូឡូញត្រូវបានបង្ខំឱ្យបាញ់ទម្លាក់យ៉ាងហោចណាស់ ៣ ក្នុងចំណោម  យន្តហោះគ្មានមនុស្សបើក១៩របស់រុស្ស៊ីចាប់តាំងពីការវាយប្រហារលើកដំបូងនៅសប្តាហ៍នេះ។

ប្រធានាធិបតីអ៊ុយក្រែនលោក វូឡូឌីមៀ ហ្សេឡេនស្គី បានស្នើឱ្យមានការហ្វឹកហ្វឺនដើម្បីពង្រឹងការការពាររបស់ប្រទេសប៉ូឡូញប្រឆាំងនឹងយន្តហោះគ្មានមនុស្សបើកបន្ទាប់ពីការសន្ទនាជាមួយសមភាគីប៉ូឡូញ ដែលពួកគេបានទទួលស្គាល់​ឧបទ្ទវហេតុ​តាម​ការ​អះអាង​របស់​រុស្ស៊ី។

លោក បាននិយាយថា អ៊ុយក្រែននឹងផ្តល់ការបណ្តុះបណ្តាលដល់​ប៉ូឡូញ អំពីរបៀបប្រយុទ្ធនឹង​យន្តហោះគ្មាន​មនុស្សបើករបស់រុស្ស៊ី ជាពិសេស គឺដ្រូន ផលិតនៅអ៊ីរ៉ង់ ដែលកងទ័ពអ៊ុយក្រែនមាន​ពិសោធ​និង​​បាន​ដោះ​ស្រាយ​កន្លងមក​៕