គ្រោះទឹកជំនន់នៅដើមរដូវប្រាំងដែលបានកើតមានឡើងនៅម៉ាឡេស៊ីនិងថៃ គឺធ្ងន់ធ្ងរដោយគេអះអាងថា មានបាត់បង់ជីវិតមនុស្សថែមទៀតផង ។
គ្រោះធម្មជាតិនេះត្រូវបានគេចាត់ទុកថាធ្ងន់ធ្ងរបំផុតក្នុងរយៈពេលជាច្រើនទសវត្សរ៍ ។ របាយការណ៍បង្ហាញពីចំនួនអ្នកស្លាប់ចំនួន ជិត៣០ នាក់ ហើយពលរដ្ឋជាង កន្លះលាននាក់រងផលប៉ះពាល់ដោយភ្លៀងធ្លាក់ឥតឈប់ឈរ ។
នៅប្រទេសម៉ាឡេស៊ី ទឹកជំនន់បានបំផ្លាញផ្ទះសម្បែង បង្អាក់ផ្លូវដែក និងបានបំផ្លិចបំផ្លាញផ្ទៃដីស្រូវជាង ៣៨.000 ហិកតា នៅក្នុងតំបន់ផលិតស្រូវសំខាន់ៗ ដែលធ្វើឱ្យកសិករ និងអាជីវកម្មជាប់គាំង។
យោងតាមទីភ្នាក់ងារគ្រប់គ្រងគ្រោះមហន្តរាយបានឲ្យដឹងថា មនុស្សប្រមាណ ១២៨.០០០ នាក់ត្រូវបានជម្លៀសទៅកាន់ជម្រកជម្លៀស។
ដោយឡែកនៅភាគខាងត្បូងប្រទេសថៃ គ្រួសារចំនួន ៤៣៤.000 នៅតែរងផលប៉ះពាល់ដោយទឹកជំនន់ដ៏មហន្តរាយ ហើយរដ្ឋាភិបាលថៃបានកៀរគរជំនួយ ផ្តល់ស្បៀងអាហារ និងការផ្គត់ផ្គង់ចាំបាច់ដល់តំបន់ដែលរងគ្រោះ។
អាជ្ញាធរបានចេញការព្រមានដល់ប្រជាពលរដ្ឋឲ្យបន្តប្រុងប្រយ័ត្នចំពោះគ្រោះទឹកជំនន់ដ៏ធំដែលអាចកើតមានក្នុងអំឡុងពេលនេះ។
ទឹកជំនន់ទាំងនេះបង្ហាញពីការកើនឡើងនៃអាំងតង់ស៊ីតេនៃព្រឹត្តិការណ៍អាកាសធាតុធ្ងន់ធ្ងរដែលទាក់ទងនឹងអាកាសធាតុនៅក្នុងតំបន់អាស៊ីអាគ្នេយ៍៕
Daily Program
