វ៉ាទីកង់ញូវបានរាយការណ៍ថា លោកកាឌីណាល់ ចច ខូវ៉ាកាដ (George Koovakad) អ្នកទទួលខុសត្រូវក្រសួងកិច្ចសន្ទនាអន្តរសាសនា បានមានប្រសាសន៍ថា ការសន្ទនាអន្តរសាសនាគឺជាមូលដ្ឋានគ្រឹះសម្រាប់ ការកសាងសន្តិភាព។
លោកបានថ្លែងបែបនេះនៅពេលដែលបានជួបនិងផ្តល់បទសំភាសន៍ជាមួយនឹងវ៉ាទីកង់ញូវ ក្រោយពេលដែល លោកកាឌីណាល់ បានទទួលការតែងតាំងតួនាទីជានេះ ថ្មីៗ ។
លោកកាឌីណាល់ដែលមានដើមកំណើតនៅឥណ្ឌា បានមានប្រសាសន៍ថា ក្រោយពេលដែលទទួលការ តែងតាំងលោកមានអារម្មណ៍ងឿងឆ្ងល់ ភាពរីករាយ និងការភ័យខ្លាចយ៉ាងខ្លាំងចំពោះទំនួលខុសត្រូវដ៏ធំសម្បើមនេះ ។
លោកបានថ្លែងថា នៅក្នុងនាមជាអ្នកដែលរៀបចំផ្ទាល់នូវដំណើរទស្សនៈកិច្ចរបស់សម្តេចប៉ាបនៅក្រៅសន្តអសនៈ ពិតជាភ្ញាក់ផ្អើលនឹងព័ត៌មានកាលពីថ្ងៃសុក្រអំពីការតែងតាំងរូបលោកជាអ្នកទទួលខុសត្រូវនូវភារកិច្ចដ៏សំខាន់មួយនេះ ។
លោកកាឌីណាល់បានលើកឡើងថា លោកពិតជាមានការភ័យខ្លាចយ៉ាងខ្លាំងនិងមានអារម្មណ៍ថា មិនអាចធ្វើកិច្ចការនេះបានល្អ ។
នៅក្នុងស្ថានភាពនិងក្រោយពេលដែលទទួលបានការតែងតាំងដើម្បីសម្របអារម្មណ៍នេះ ការអធិដ្ឋានគឺជា មធ្យោបាយសម្របសម្រួលខាងអារម្មណ៍មួយដ៏ប្រសើរបំផុត ហើយក៏ជាពេលដែលរិះគិតនិងត្រៀមខ្លួនជាស្រេចសម្រាប់តួនាទីថ្មីឲ្យមានប្រសិទ្ធិភាពបំផុត ។
លោកកាឌីណាល់បានលើកឡើងថា លោកនៅពេលនេះមានទំនុកចិត្តហើយបានត្រៀមខ្លួនរួចហើយដើម្បី ដឹកនាំកិច្ចការរបសក្រសួងនៅក្នុងការខិតខំឆ្ពោះទៅរកការសម្របសម្រួលអន្តរជំនឿដើម្បីបើកផ្លូវកសាងឲ្យបាននូវការសម្របសម្រួលរវាងជំនឿនានាដើម្បីសន្តិភាពសម្រាប់មនុស្សជាតិ ។
Daily Program
