វ៉ាទីកង់ញូវបានរាយការណ៍ថា លោកអគ្គអភិបាល ប៉ូល រីឆាត ហ្គាឡាហ្គ័រ ( Paul Richard Gallagher) រដ្ឋមន្រ្តីទំនាក់ទំនងជាមួយនឹងរដ្ឋ និងអង្គការអន្តរជាតិ បានវាយតម្លៃខ្ពស់អំពីដំណើរលទ្ធិប្រជាធិបតីនៅប្រទេសកូ្រអាត។
នៅក្នុងពិធីថ្វាយអភិបូជាមួយនៅក្នុងទីក្រុងរ៉ូមនៅថ្ងៃទី២៨ ខែឧសភា ឆ្នាំ២០២៤ លោកអគ្គអភិបាលបានលើកទឹកចិត្តប្រជាជាតិនេះ ឲ្យអធិដ្ឋានដើម្បីសន្តិភាពនៅលើពិភពលោកផងដែរ។
លោកបានលើកឡើងបែបនេះនៅមុនពេលដែលលោកត្រូវទៅបំពេញទស្សនកិច្ចនៅក្នុងប្រទេសនេះ។
នាឱកាសនោះ លោកអគ្គអភិបាលក៏បានលើកឡើងនឹងរំលឹកនូវដំណើរនៃការបង្កើតប្រទេសតាមបែបប្រជាធិបតេយ្យសភានិយមនៅថ្ងៃទី៣០ ខែឧសភា ឆ្នាំ១៩៩០។
លោកអគ្គអភិបាលក៏បានលើកទឹកចិត្តឲ្យប្រជាជននៅក្នុងប្រទេសនេះបន្តអធិដ្ឋានដើម្បីទូលអង្វរសុំសន្តិភាពដើម្បីជាកាដូសម្រាប់ប្រទេសដែលកំពុងតែរងគ្រោះដោយសារតែសង្រ្គាមនិងដោយទំនាស់ដោយលើកឡើងថាជំនឿគឺជាកម្លាំងជម្រុញអោយមានសនិ្តភាពមួយ៕
Daily Program
